Egemendik jyldarynda Qazaqstanda 20 teatr ashyldy. Bul týraly Táýelsizdiktiń 30 jyldyǵyna arnalǵan saltanatty is-sharada QR Prezidenti Qasym-Jomart Toqaev aitty, dep habarlaidy QazAqparat.
«Al ult saýlyǵyn saqtaý úshin memleketimizde buqaralyq sportpen jáne dene shynyqtyrýmen ainalysýǵa jaǵdai jasalýda. Elimizde 38 sport nysany boi kóterdi, 8 myńǵa jýyq sport alańy salyndy», - dep atap ótti QR Prezidenti.
Memleket basshysy Táýelsizdik kezeńinde tól mádenietimiz jańa sapalyq deńgeige kóterilip, qaita órleý kezeńine qadam basqanyn atap ótti.
«Aýqymdy «Mádeni mura» baǵdarlamasy júzege asyryldy. Kóptegen qundy jádigerimiz eldiń igiligine ainaldy. Tarihi-mádeni muralar infraqurylymy birtindep keńeitilýde. 9 memlekettik qoryq-mýzei quryldy. Úzdik ádebi týyndylarymyz alǵash ret álem tilderine aýdaryldy. Egemendik jyldarynda Qazaqstanda 20 teatr ashyldy. Ult kinosy álemge tanyla bastady. Qazaq mádenietiniń jańa shoǵyry áigili sahnalarda óner kórsetýde»,- dedi Qasym-Jomart Toqaev.
