Azamattyq aviatsiia komiteti parkinde Boeing ushaǵy bar qazaqstandyq áýe kompaniialaryna nusqaýlyq jiberdi, dep habarlaidy "Ult aqparat".
«QR Indýstriia jáne infraqurylymdyq damý ministrligi Azamattyq aviatsiia komiteti efiopiialyq «Ethiopian Airlines» áýe kompaniiasy ushaǵynyń apatqa ushyraýyna bailanysty Qazaqstan Respýblikasynyń parkinde B-737 (CLASSIC, NG, Max), B-757/767 sanatyndaǵy áýe kemeleri bar kompaniialaryna trening ótkizip, protsedýralardy ázirleýge, sonymen qatar jattyǵý daiyndyǵy baǵdarlamasyna ekipajdyń ushý kezeńindegi jyldamdyq, biiktik alý jáne eshelon qurylǵylary durys kórsetpegen jaǵdaida (loss of control in the event of unreliable speed indication - take off, climb, cruise) áreket etý is-qimylyn qosýǵa keńes beredi», - delingen komitet habarlamasynda.
Buǵan deiin habarlaǵanymyzdai, Efiopiiada 157 adamy bar ushaq apatqa ushyrady.
Osy qaiǵyly oqiǵaǵa orai Nursultan Nazarbaev Efiopiia Federativtik Demokratiialyq Respýblikasynyń Prezidenti Sahle-Vork Zeýdege kóńil aitý jedelhatyn joldady.
