Boing 737 MAX 8 – kóptegen elmen kelisim-shart jasaǵan eń tanymal aviatasymaldaýshylardyń biri.
Alaida, Addis-Abebadan Nairobige ushyp bara jatqan Boing-737 MAX 8 jeksenbi kúni tańerteń apatqa ushyrady. Bul apat adamdardyń lainerge degen senimsizdigin arttyryp jiberdi.
Ushaq kóterilgen soń kóp ótpei ushqysh qiyndyqtar týyndaǵanyn habarlap, Addis-Abebaǵa qaita oralýǵa ruqsat suraǵan. Jerden kóterilgenine 6 minýt ótkende ushaq radardan kórinbei qalǵan. Bortta bolǵan júz elý jeti adam – 149 jolaýshy men 8 ekipaj múshesi – qaza tapty. Sarapshylar ushaqtyń tiginen qulaǵanyn aitady. Ushaq kompaniiadan osydan 4 ai buryn ǵana satyp alynǵan.
Sońǵy bes aida Boing 737 MAX 8 ushaǵy ekinshi ret apatqa ushyrap otyr.
Áleýmettik jeli paidalanýshylary ushaqtyń osy modelinde ushýǵa qorqyp, áýe kompaniiasynda brondalǵan biletterin ózgertýdi talap etip otyr.
Áýe kompaniialary, óz kezeginde, jolaýshylardy tynyshtandyrdy. Olar «Boingtiń» qaýipsizdigine tolyq senimdi ekenin jetkizdi. Alaida Qytai ushaqtyń osy túrimen ushýdy toqtata turýǵa sheshim qabyldady. Sondai-aq Vetnam da apattyń sebepteri anyqtalmaiynsha, óz áýekompaniialaryna bul ushaqty paidalanýǵa ruqsat bermeitinin jetkizdi.
Saltanat ShYNÁDIL
