Ekologtar Babile qoryǵyndaǵy pilder sanynyń kúrt azaiýyn 2006-2017 jyldary onyń aýmaǵyndaǵy zańsyz qonystar sanynyń úsh ese ósýimen bailanystyrady. Bul týraly seisenbi kúni Oksford ýniversitetiniń (Ulybritaniia) baspasóz qyzmeti Oryx jýrnalyndaǵy maqalaǵa silteme jasap habarlady, dep jazady QazAqparat.
"Babile qoryǵynda jaǵdai qiyn. Qazir onyń aýmaǵynda 250 pil bar. Eger adamnyń olardyń mekendeý ortasyna enýine bailanysty problemalar jaqyn arada sheshilmese, qoryq aýmaǵynda birde-bir pil qalmaidy", - degen Oksford ýniversitetiniń zertteýshisi Emili Nildiń sózderin keltirgen ýniversitettiń baspasóz qyzmeti.
Afrika pilderi (Loxodonta africana) sońǵy 75 jylda alty-jeti ese azaidy. Aita ketsek, 1989 jyly jabaiy faýna men flora túrleriniń halyqaralyq saýdasy týraly konventsiiaǵa (CITES) qatysýshy elder brakonerlerge qarsy kúresti bastady. Osy ǵasyrdyń basynda bul sharalar pilderdiń popýliatsiiasyn turaqtandyrdy, biraq sońǵy jyldary Aziiada pil súiegine suranystyń artýyna bailanysty olardyń sany qaitadan kúrt azaia bastady.
