Senat depýtaty Edil Mamytbekov EAEO-ǵa kirgiziletin kedendik baj bólinisi máselesin retteýde Qazaqstannyń ekonomikalyq múddesin barynsha qorǵaýǵa shaqyrdy, dep habarlaidy QazAqparat.
«EAEO – dinamikalyq turǵyda damyp kele jatqan integratsiialyq birlestik. Onyń quramyndaǵy memleketterdiń sany aldaǵy ýaqytta arta berýi múmkin. Bul bir jaǵynan saýda naryǵynyń ulǵaiýyna alyp kelse, ekinshi jaǵynan kirgiziletin kedendik bajdyń bólinýi esebinen ár eldiń qarjylyq túsiminiń azaiýýyna da aparyp soqtyrýy yqtimal. Bul másele – Qazaqstan úshin mańyzdy. Búgingi tańda paradoksaldy jaǵdaidy baqylaýǵa bolady: bir jaqtan Reseige qatysty ekonomikalyq sanktsiialar kúshinde tur. Ekinshi jaǵynan Qazaqstan osynaý kedendik bajdy bólý júiesi jaǵdaiynda óziniń jedeldetilgen indýstriialandyrýyna shyǵyn keltire otyryp, shikizat resýrstaryn syrtqa shyǵarýǵa májbúr. Dál mundai qurylymdyq aýytqýlar Eýraziia ekonomikalyq komissiiasynyń tabandy túrde júrgizip kele jatqan biryńǵai ónerkásiptik saiasat júrgizý ideiasy jaǵdaiynda «konservilenip» qalýy múmkin», - dep eskertti odaqtyń kemshin tustaryn Edil Mamytbekov.
Senat depýtatynyń aitýynsha mundai ekiushtylyq integratsiialyq kúsh biriktirý kezinde osy odaqqa múshe memleketterdiń kooperatsiiany damytý, ulttyq ónerkásip keshenderin órkendetý boiynsha yntasyn qaitarady.
«Osyǵan bailanysty qazaqstandyq tarap dál osyndai sheginiske jeteleitin, sheshim qabyldaityn «as úige» bir úńilip qoisa durys bolar edi. Máselen Belarýs tarapy óz múddesin qorǵaý úshin birqatar shara qabyldaýda. Belta aqparat agenttiginiń habarlaýynsha, Belarýs EAEO-ǵa kirgiziletin kedendik baj boiynsha ekonomikalyq múddesin oilap otyr. Osy jyldyń naýryz aiynda Belarýs Respýblikasynyń Premer-ministriniń orynbasary Igor Petreshenko bir suhbatynda «aldyn ala esep boiynsha, Belarýs úshin baj bólý motivi – 0,65-ten 1,36 paiyzǵa kóterilýi kerektigin» aityp qaldy. Sonymen qatar belarýstar bul normativterdi turaqty negizde bekitýdi qoldamaidy. Olar álemde ekonomikalyq jaǵdai qatty ózgerip jatqanyn, memleket kedendik bajdy qaita qarastyrý múmkindigine ie bolýy kerektigin argýment retinde alǵa tartady», - dedi senator.
Edil Mamytbekov Belarýs Respýblikasynyń EAEO-ǵa kirgiziletin kedendik baj úsh jylda bir ret talqylanýy kerek degen usynysyn qoldaýǵa shaqyrdy.
«Kelissózge qatysýshylardan aldaǵy otyrystarda osyny esepke alýyn ótinemin», - dedi ol.
Eske sala ketsek, búgin senatorlar 2014 jylǵy 29 mamyrdaǵy EAEO týraly shartqa ózgerister engizý, jekelegen halyqaralyq sharttardyń qoldanysyn ózgertý jáne toqtatý týraly hattamany ratifikatsiialaý týraly zań jobasyn maquldaǵan bolatyn.
Hattamada kedendik ákelý bajdarynyń somalaryn bólýdiń jańa normativterin bekitý kózdeledi. Normativterdiń mólsheri múshe bes memleket úshin aiqyndalǵan.
Bul rette Qazaqstan úshin normativ 6,955% bolyp otyr.
