Eýraziialyq ekonomikalyq odaq (EAEO) shekarasynan 100 myń dollardan kóp somany alyp óterde shekara deklaratsiiasyn toltyryp qana qoimai, aqshanyń qaidan kelgeni týraly qujatty da usyný qajet. Ereje 4 aqpan, iaǵni búginnen bastap kúshine enedi, dep habarlaidy "Ult aqparat" Resei Federaldyq keden qyzmetiniń saityna silteme jasap.
Qarajattyń qaidan kelgenin rastaityn qujat retinde shottan aqsha alǵany týraly nemese nesie alý týraly bankten berilgen anyqtamalardy paidalanýǵa bolady. Sonymen qatar, kelisim jasaý, máselen muraǵa alǵanyn nemese syiǵa tartqanyn rastaityn qujatty usyna alady.
«Qajetti qujattardy kórsetpegen jaǵdaida aqshany EEO shekarasynan alyp ótýge jol berilmeidi», - delingen mátinde.
Bul sharalar terrorizmdi qarjylandyrý jáne zańsyz jolmen alynǵan qarjymen kúresý úshin qajet. Bul norma quramyna Armeniia, Belarýs, Qazaqstan, Qyrǵyzstan jáne Resei kiretin EEO elderinde júzege asyrylady.
