Eýraziialyq ekonomikalyq odaqtyń ortaq naryǵynda ashyq jáne qoshqyl munai ónimderiniń baǵasy qalai ózgeredi? Bul saýalǵa Eýraziialyq ekonomikalyq komissiianyń energetika jáne infraqurylym jónindegi múshesi (ministri) Emil Kaikiev jaýap berdi, dep habarlaidy QazAqparat.
«Sózdi jalpy qozǵaǵan jón. Munai ónimderiniń baǵasy naryqtyq tetikterge sáikes qalyptasady. Iaǵni, gaz siiaqty tikelei sharttar men birjalyq sharttar jasasý arqyly júzege asyrylady», - dedi ol Ortalyq kommýnikatsiialar qyzmetiniń kóshpeli baspasóz máslihaty barysynda.
Degenmen, EEK ministri bul rette birjalyq saýda-sattyqqa basa nazar aýdarylatyndyǵyn basa aitty.
«Ol baǵanyń ekonomikalyq negizdelgen deńgeiin aiqyndaýǵa múmkindik beredi. Bul qatysýshylarǵa boljamdy jáne dáiekti shart usynady. Iaǵni, olar ózara tiimdi shartta jáne adal básekelestikte jumys istei alady», - dedi Emil Kaikiev.
