Ortaq elektr energiiasy naryǵy jumys istei bastaǵan kezde elektr energiiasyn óndirýshiler men tutynýshylardy qandai ózgerister kútip tur? Eýraziialyq ekonomikalyq komissiianyń Energetika jáne infraqurylym jónindegi Alqa múshesi (ministr) Emil Kaikiev osy másele jóninde pikir bildirdi, dep habarlaidy QazAqparat.
«2019 jyldyń mamyr aiynda biz elektr energiiasynyń jalpy naryǵyn qurýǵa baǵyttalǵan hattamaǵa qol qoidyq. Bul qujatta naryqtyń jumys isteý erejeleri, retteýshi ókilettikter jáne basqa da birqatar másele kórsetilgen. Energiia resýrstaryna kedergisiz jaǵdai men ashyq baǵalardy qamtamasyz etetin saýda tetikterine kóp kóńil bólinedi. Elektr energiiasynyń jalpy naryǵy jumys istei bastaǵannan bastap kóterme saýdagerler men satyp alýshylarǵa EAEO-ǵa múshe basqa elderdiń satyp alýshylarymen jáne satýshylarymen tikelei kelisimsharttar jasasýǵa múmkindik beriledi. Osy hattamany, iaǵni halyqaralyq shartty iske asyrý sheńberinde birqatar qujat daiyndalady», - dedi Emil Kaikiev Ortalyq kommýnikatsiialar qyzmeti alańynda ótken baspasóz máslihatynda.
Ol elektr energiiasynyń jalpy naryǵyn 2025 jyldyń 1 qańtarynan keshiktirmei iske qosý kerektigin atap ótti.
«Elektr energiiasyn óndirýshiler úshin bul ózgerister satý naryǵynyń ulǵaiǵanyn bildiredi. Elektr energiiasynyń kóterme satyp alýshylary kelisimshart talaptary tiimdi jetkizýshilerdi tańdai alady», - dedi spiker.
