Eýraziialyq ekonomikalyq odaqtyń kiriktirilgen aqparattyq júiesin iske qosý jumysyn jandandyrý qajet. Bul týraly Joǵarǵy Eýraziialyq ekonomikalyq keńestiń shaǵyn quramdaǵy onlain otyrysynda Qazaqstan Prezidenti Qasym-Jomart Toqaev aitty, dep habarlaidy "Ult aqparat".
«Odaqtyń kiriktirilgen aqparattyq júiesin iske qosý boiynsha jumysty aitarlyqtai jandandyrý qajet. Júie málimetter men elektrondyq qujattardy memleketaralyq almasýdy, ortaq aqparattyq resýrstardy qurýdy qamtamasyz etýge arnalǵan», - dedi Memleket basshysy.
QR Prezidentiniń atap ótýinshe, 2015 jyldan beri ortalyqqa 88 protsestiń tek 19-y nemese 21 paiyzy ǵana engizilip otyr.
«Tsifrlandyrý - elderimizdiń memlekettik organdarynyń ózara is-qimylynyń basty aspektisi, biznes-protsesterdi jeńildetýge, ózara taýar ainalymyn arttyrýǵa, bizneske ákimshilik júktemelerdi tómendetýge septigin tigizedi», - dedi Qasym-Jomart Toqaev.
