Eýraziialyq ekonomikalyq odaq elderindegi jasy úlken ministrler Resei, Belarýs jáne Qazaqstanda jumys istep jatyr, dep habarlaidy Ranking.kz.
Atap aitqanda, zertteý barysynda ministrlerdiń jas ereksheligi boiynsha reiting jasalǵan.
Jyl basynda EAEO elderi ministrleriniń ortasha jasy 49,3 jyldy qurady. Eń jas ministrler Armeniiada eken: eldegi vedomstvo basshylarynyń ortasha jasy - 45,3. Al jasy úlken ministrler Reseide tirkeldi, iaǵni bul eldegi basshylardyń ortasha jasy 52,2 boldy. Qazaqstan reitinginiń ortasynda ornalasty, elimizdegi ministrlerdiń ortasha jasy 48-ge jetti.
Eýraziialyq ekonomikalyq odaq elderi arasynda Reseidiń Syrtqy ister ministri Sergei Lavrovtyń (70,8 jasta) jasy úlken. Eń jasy - Armeniianyń Ádilet ministri Rýstam Badasian, ol 30-ǵa tolǵan.
Qazaqstandaǵy vedomstvo basshylary arasynda Ishki ister ministri Erlan Turǵymbaev (58 jasta) pen Qorǵanys ministri Nurlan Ermekbaevtyń (58 jasta) jasy úlken. Sonymen qatar elimizdegi eń jasy - 1986 jyly dúniege kelgen Ulttyq ekonomika ministri Áset Erǵaliev.
