Eýraziialyq ekonomikalyq komissiianyń básekelestik jáne monopoliiaǵa qarsy retteý jónindegi múshesi (ministri) Arman Shaqqaliev Eýraziialyq ekonomikalyq odaq aiasynda elektrondy-tsifrlyq qoltańba engizý múmkindigine qatysty oiymen bólisti, dep habarlaidy QazAqparat.
«Belgili bir qolaisyzdyq týyndaidy. Óitkeni, úidegi elektrondyq-tsifrlyq qoltańbany qoldaný zatty satyp alatyn elge barǵannan, filial nemese ókildik ashqannan áldeqaida jeńil ekendigi belgili. Búginde komissiia ózge eldermen birge is-sharalar josparyn ázirledi jáne birinshi jartyjyldyqta ony bekitýimiz qajet. Árine, bizdegi memlekettik satyp alýlardaǵy tsifrlandyrý deńgeiiniń ártúrli ekendigin de qaperge alamyz», - dedi ol Ortalyq kommýnikatsiialar qyzmetiniń kóshpeli baspasóz máslihaty barysynda.
Onyń atap ótýinshe, taǵy bir másele mundai qoltańbalardyń túpnusqa ekendigin dáleldeýge jáne ózge de tehikalyq aspektige qatysty bolmaq.
«Búginde qarqyndy túrde konsýltatsiia júrgizip jatyrmyz jáne bizde atalǵan máseleni júzege asyrýǵa qatysty naqty túsinik bar. Esterińizge sala keteiin, bizde 2025 jylǵa deiin qatysýshy elderde memlekettik satyp alýlardy tolyqtai tsifrlandyrý jónindegi strategiialyq baǵyt qabyldanǵan», - dedi Arman Shaqqaliev.
