EAEO integratsiiasy ulttyq quqyqtyq júielerdiń ereksheligin eskerýi kerek. Joǵary Eýraziialyq ekonomikalyq keńestiń otyrysynda Qazaqstan Prezidenti Qasym-Jomart Toqaev osylai dep málim etti, dep habarlaidy QazAqparat.
«Bizdiń integratsiialyq jumys ulttyq quqyqtyq júielerdiń ereksheligin eskerip, ulttyq zańnamalardyń úilesimi úshin qajettilikke bailanysty áreket etýi kerek. Sol sebepti strategiiada keltirilgenindei, birqatar salada, atap aitqanda keden isinde, tehnikalyq retteýde, tutynýshylardyń quqyǵyn qorǵaý salasynda quqyqtyq, ákimshilik, salyqtyq, qylmystyq jaýapkershilikti engizý týrasyndaǵy zańnamalardy úilestirý men ýnifikatsiialaý – bizdiń oiymyzsha oily tolyqqandylyqqa jaýap bermeidi. Ainalyp kelgende bul ulttyq qoǵamdyq oilardyń strategiiany shetke ysyrýyna ákep soǵady. Sebebi strategiia úkimet pen parlamenttiń egemendi quqyǵyn shekteidi», - dedi Qazaqstan Prezidenti.
Sonymen birge, Memleket basshysy qazirgi kelisimderge sáikes ákimshilik seriktestik, buzýshylar boiynsha aqparat almasý, transhekaralyq sipattaǵy qaýipterdiń aldyn alý sekildi salalarda quziretti organdardyń arasynda belgili bir bailanysý alańy qalyptasqanyn aitty.
