QR Premer-Ministri Álihan Smaiylov Eýraziialyq úkimetaralyq keńestiń otyrysyna qatysý úshin Qyrǵyz Respýblikasyna jumys saparymen keldi, dep habarlaidy "Ult aqparat" Úkimettiń baspasóz qyzmetine silteme jasap.
Sonymen qatar sharaǵa Armeniianyń Úkimet basshysy Nikol Pashinian, Belarýs Premer-Ministri Roman Golovchenko, Qyrǵyz Respýblikasy Ministrler kabinetiniń tóraǵasy Aqylbek Japarov, Reseidiń Úkimet basshysy Mihail Mishýstin qatysyp jatyr.
Shaǵyn quramda otyrysqa qatysýshylar EAEO ortaq gaz naryǵyn qalyptastyrý, ónerkásip kooperatsiiasy, alkogol naryǵyn retteý jáne elektrondyq saýda kezinde salyq salý máselelerin talqylady.
Odan bólek, Eýraziialyq qaita saqtandyrý kompaniiasyn qurý týraly kelisim jobasy, kólik salasyndaǵy basymdyqqa ie infraqurylymdyq jobalar tizbesi, EAEO-nyń ishki naryǵyndaǵy kedergilerdi joiý jónindegi jumys barysy, sondai-aq ózara saýda kezinde ulttyq valiýtalardy paidalanýdy keńeitý jónindegi sharalar qaraldy.
Sonymen qatar QR Premer-Ministri delegatsiia basshylarymen birge Qyrǵyz Respýblikasynyń Prezidenti Sadyr Japarovpen kezdesýge qatysty.
