Foto: QR SjIM
Eýraziialyq ekonomikalyq odaq (EAEO) elderi halyqaralyq júk tasymalyn jeńildetý jáne protsesterdi ashyq etý maqsatynda elektrondy halyqaralyq júkqujattaryn (e-CMR) qoldaný boiynsha pilottyq jobany iske asyrýǵa kiristi. Bul týraly sheshim 2024 jylǵy 29 qarashada ótken Eýraziialyq ekonomikalyq komissiia Keńesiniń otyrysynda qabyldanǵan, dep habarlaidy Ult.kz.
Jobanyń basty maqsaty – elektrondy tsifrlyq qoltańba men senimdi úshinshi tarapty paidalaný arqyly transshekaralyq qujat ainalymyn zańdy negizde testileý. Bul logistika salasyn tsifrlandyrý men halyqaralyq tasymal rásimderin ońtailandyrýǵa baǵyttalǵan mańyzdy qadam bolmaq.
Qaǵazsyz format – ýaqyt únemi:
Sarapshylardyń pikirinshe, elektrondy qujattar (e-CMR) qaǵaz nusqasyna qaraǵanda áldeqaida tiimdi:
-
Qaǵaz qujatty rásimdeýge 20 minýt ketse,
-
e-CMR nebári 1 minýtta daiyn bolady.
Bul shekaradan ótýdi jyldamdatyp, bizneske túsetin ákimshilik júktemeni azaitady jáne tasymaldaý protsesiniń ashyqtyǵyn qamtamasyz etedi.
Pilottyq jobaǵa:
-
Ýákiletti memlekettik organdar,
-
Elektrondy qujat ainalymy operatorlary,
-
Tasymaldaýshylar,
-
Júk jóneltýshiler men alýshylar qatysady.
2025 jyldyń 11 naýryzynda EEK Alqasy arnaiy jumys tobyn quryp, 12 mamyrda alǵashqy otyrysy ótti. Onda jobanyń qurylymy, zańdyq jáne tehnikalyq talaptary naqtylandy. Pilottyq tasymaldaýlardy kelesi jyldyń birinshi jartyjyldyǵynda bastaý josparlanyp otyr.
Jumys toby mynadai negizgi mindetterdi oryndaýda:
-
Biryńǵai e-CMR formatyn ázirleý;
-
Qujattardyń shekaradan ótý kezindegi quqyqtyq mańyzyn qamtamasyz etý;
-
EQA operatorlary men senimdi úshinshi taraptyń ózara árekettesý tártibin belgileý.
Jumys tobynyń kelesi otyrysy 2025 jyldyń qyrkúieginde ótedi.
Pilottyq jobanyń qorytyndysy EEK Keńesine usynylyp, EAEO aiasynda elektrondyq ilespe qujattardy keń kólemde engizý boiynsha kelesi sheshimderge negiz bolady. Bul Eýraziialyq keńistikte zamanaýi, tiimdi jáne avtomattandyrylǵan kólik júiesin qalyptastyrýǵa jol ashady.
