Taýarlarǵa ilespe júkqujattardy resimdeý jónindegi pilottyq joba 2020 jylǵy 1 qarashadan bastap iske qosylady. Bul týraly Memlekettik kirister komiteti habarlady.
Osylaisha jańa jumys júiesi boiynsha TIJ resimdeý Qazaqstan Respýblikasynyń Memlekettik shekarasyn EAEO elderimen ótkenge deiin qajet. Sondai-aq, pilottyq joba sheńberinde EAEO elderimen ózara saýdada eksporttyq jáne importtyq operatsiialardy júzege asyrý kezinde TIJ resimdeý kózdelgen.
Komitette atap ótkendei, resimdelgen TIJ-niń bolýy avtomobil ótkizý pýnktterinde taýarǵa ilespe qujattardy skanerleý qajettiligin boldyrmaidy, bul EAEO elderimen memlekettik shekaradan ótý protsesin jedeldetedi.
Jalpy, pilottyq joba 2021 jylǵy 1 naýryzdan bastap TIJ mindetti engizýge «jumsaq» kóshý úshin júzege asyrylady. Pilotty júrgizý kezinde ákimshilik jaýapkershilik sharalary qoldanylmaidy.
Pilottyq joba salyq tóleýshilerge TIJ-men jumys isteýge beiimdelýge, olardyń esep júielerin jáne satyp alýshylarmen jáne jetkizýshilermen ózara árekettesýdi ornatýǵa arnalǵan.
TIJ resimdeý úshin Halyqqa qyzmet kórsetý ortalyqtarynan alýǵa bolatyn ETsQ kómegimen elektrondyq shot-faktýralardyń aqparattyq júiesin paidalaný týraly kelisimge qol qoiý arqyly EShF AJ-da tirkelý qajet. EShF AJ-da tirkelý jáne jumys isteý tegin júzege asyrylatynyn atap ótken jón.
Memlekettik kirister komiteti EAEO elderimen ózara saýdada syrtqy ekonomikalyq qyzmettiń barlyq qatysýshylaryn keiinnen TIJ mindetti resimdeýge birtindep kóshý úshin pilottyq jobaǵa qatysý boiynsha daiyndyq is-sharalaryn ótkizýge shaqyrady.
Sondai-aq, pilottyq joba aktsizdeletin taýarlardy ótkizý jáne Dúniejúzilik saýda uiymynyń alyp qoiý tizbesindegi taýarlardy (Taýarlardyń osy tizbesimen Eýraziialyq ekonomikalyq komissiia Keńesiniń 2015 jylǵy 14 qazandaǵy № 59 sheshiminde tanysýǵa bolady) jáne elektrondyq shot-faktýralar virtýaldy qoima modýli arqyly jazyp beriletin taýarlardy (taýarlardyń osy tizbesimen Qazaqstan Respýblikasy Premer-Ministriniń Birinshi orynbasary - Qazaqstan Respýblikasy Qarjy ministriniń 2019 jylǵy 23 sáýirdegi № 384 buiryǵyda tanysýǵa bolady) ótkizý kezinde TIJ resimdeýdi kózdeitinine nazaryńyzǵa jetkizemiz, deidi Komitet mamandary.
TIJ – bul Qazaqstan Respýblikasy Qarjy ministrligi Memlekettik kirister komitetiniń «Elektrondyq shot-faktýralar» aqparattyq júiesinde (EShF AJ) elektrondyq nysanda resimdeletin taýarǵa ilespe qujat.
TIJ resimdeý jáne resimdeý tártibin saqtaý jónindegi normalar Salyq kodeksiniń 176-babynda aiqyndalǵan.
Barlyq suraqtar boiynsha MKK Sall-ortalyǵyna myna telefondar arqyly habarlasýǵa bolady: 1414, +7 702 129 90 39 nemese +7 (7172) 71-80-05.
