Qazaqstannyń dziýdodan erler ulttyq qurama komandasynyń bas bapkeri aýysty, dep habarlaidy "Ult aqparat" Olympic.kz saityna silteme jasap.
Málim etilgendei, búgin Nur-Sultan qalasynda Qazaqstan dziýdo federatsiiasynyń kezekten tys otyrysy ótti. Jiyn Ulttyq federatsiia basshysy Qairat Qojamjarovtyń jetekshiligimen ótti.
Onyń barysynda Qazaqstan ulttyq erler komandasyna jańa bas bapker taǵaiyndaldy. Atqarýshy komitettiń biraýyzdan sheshimimen bul qyzmetke dziýdodan QR-ǵa eńbegi sińgen bapker, joǵary sanatty jattyqtyrýshy, «Qurmet» ordeniniń iegeri Ǵalymjan Jylgeldiev sailandy.
Aita keterligi, quramanyń buryńǵy bapkeri Aidyn Smaǵulov densaýlyǵyna bailanysty qyzmetin toqtatý týraly ótinish bildirdi. Ol Qazaqstan erler ulttyq quramasynyń bas bapkeri bolyp 2018 jyly sailanǵan bolatyn.
Óz kezeginde, Qazaqstan dziýdo federatsiiasynyń prezidenti Qairat Qojamjarov Aidyn Smaǵulovqa osy ýaqytqa deiin atqarǵan jumysyna alǵys aityp, jańadan taǵaiyndalǵan bas bapkerge sáttilik tiledi.
Ǵalymjan Jylgeldiev 1970 jyly Jambyl oblysynda dúniege kelgen. Bapkerlik qyzmetin 1987 jyly Jambyl oblysynyń balalar-jasóspirimder sport mektebinde bastaǵan. 2017 jyldan beri Qazaqstan erler ulttyq qurama komandasynyń jattyqtyrýshysy qyzmetin atqaryp keledi. Olimpiada oiyndarynyń kúmis júldegeri, dziýdodan álem chempiony Eldos Smetovtyń jeke jattyqtyrýshysy.
