قازاقستاننىڭ دزيۋدودان ەرلەر ۇلتتىق قۇراما كومانداسىنىڭ باس باپكەرٸ اۋىستى, دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
مەلٸم ەتٸلگەندەي, بٷگٸن نۇر-سۇلتان قالاسىندا قازاقستان دزيۋدو فەدەراتسيياسىنىڭ كەزەكتەن تىس وتىرىسى ٶتتٸ. جيىن ۇلتتىق فەدەراتسييا باسشىسى قايرات قوجامجاروۆتىڭ جەتەكشٸلٸگٸمەن ٶتتٸ.
ونىڭ بارىسىندا قازاقستان ۇلتتىق ەرلەر كومانداسىنا جاڭا باس باپكەر تاعايىندالدى. اتقارۋشى كوميتەتتٸڭ بٸراۋىزدان شەشٸمٸمەن بۇل قىزمەتكە دزيۋدودان قر-عا ەڭبەگٸ سٸڭگەن باپكەر, جوعارى ساناتتى جاتتىقتىرۋشى, «قۇرمەت» وردەنٸنٸڭ يەگەرٸ عالىمجان جىلگەلديەۆ سايلاندى.
ايتا كەتەرلٸگٸ, قۇرامانىڭ بۇرىڭعى باپكەرٸ ايدىن سماعۇلوۆ دەنساۋلىعىنا بايلانىستى قىزمەتٸن توقتاتۋ تۋرالى ٶتٸنٸش بٸلدٸردٸ. ول قازاقستان ەرلەر ۇلتتىق قۇراماسىنىڭ باس باپكەرٸ بولىپ 2018 جىلى سايلانعان بولاتىن.
ٶز كەزەگٸندە, قازاقستان دزيۋدو فەدەراتسيياسىنىڭ پرەزيدەنتٸ قايرات قوجامجاروۆ ايدىن سماعۇلوۆقا وسى ۋاقىتقا دەيٸن اتقارعان جۇمىسىنا العىس ايتىپ, جاڭادان تاعايىندالعان باس باپكەرگە سەتتٸلٸك تٸلەدٸ.
عالىمجان جىلگەلديەۆ 1970 جىلى جامبىل وبلىسىندا دٷنيەگە كەلگەن. باپكەرلٸك قىزمەتٸن 1987 جىلى جامبىل وبلىسىنىڭ بالالار-جاسٶسپٸرٸمدەر سپورت مەكتەبٸندە باستاعان. 2017 جىلدان بەرٸ قازاقستان ەرلەر ۇلتتىق قۇراما كومانداسىنىڭ جاتتىقتىرۋشىسى قىزمەتٸن اتقارىپ كەلەدٸ. وليمپيادا ويىندارىنىڭ كٷمٸس جٷلدەگەرٸ, دزيۋدودان ەلەم چەمپيونى ەلدوس سمەتوۆتىڭ جەكە جاتتىقتىرۋشىسى.
