Tel-Avivte (Izrail) dziýdodan ótip jatqan álemdik «Grand Slam» týrnirinde Qazaqstan qorjynyna taǵy bir medal tústi, dep habarlaidy QazAqparat.
Jarystyń ekinshi kúni 73 kg salmaqta tatamige shyqqan Jansai Smaǵulov oljaly boldy.
Ol doda barysynda áýeli grýziialyq Georgii Chikhelidzeni utty. Sodan keiin italiialyq Djovanni Espositodan basym tústi. Tek jartylai finalda ózbekstandyq Obidhon Nomonovqa ese jiberdi.
Qola júlde úshin básekede Jansai germaniialyq Igor Vindtkeden ailasyn asyrdy.
Osylaisha Qazaqstan qorjynyna taǵy bir medal tústi.
Eske sala keteiik, budan buryn Baýyrjan Narbaevtyń kúmis júldeger atanǵanyn jazǵan bolatynbyz.
Sondai-aq keshe Maǵjan Shamshadin úzdik úshtikke ilikti.
