KSRO AQSh prezidenti Djon Kennedidiń 1963 jylǵy ólimin vitse-prezident Lindon Djonsonnyń astyrtyn áreketinen bolǵan dep eseptegen. Bul týraly FTB-nyń 1966 jylǵy qupiia málimetinde aitylǵan, - dep habarlaidy kaz.tengrinews.kz "RIA Novosti"-ǵa silteme jasap.
Djonson Kennedidiń óliminen keiin 1963 jyly AQSh prezidenti bolǵan.
FTB derekkóziniń málimetinshe, Memlekettik Qaýipsizdik komitetiniń Niý-Iorktegi rezidentýrasynda 1965 jyly keńestik barlaýshylar Djonsonnyń jeke ómiri, ómirbaiany, jeke dostary, otbasy jáne ony qoldaǵandar týraly bar málimetti jinaqtaý týraly tapsyrma alǵan delinedi.
"Bizdiń derekkóz Máskeýden kelgen nusqaýlyqta "qazirgi ýaqytta" MQK prezident Djonson qaza tapqan prezident Djon Kennedidiń ólimine jaýapty boldy delingen málimet bolǵanyn aitty. MQK shtab-páteri osy málimet turǵysynda keńes úkimeti prezident Djonsonnyń Kennedidiń otbasymen, ásirese prezident Djonsonnyń (prezidenttiń baýyrlary - Avt.) Robert pen Ted Kennedilermen qarym-qatynasy jaily bilgisi kelgen", - delingen sol kezdegi direktory Edgar Gýver qol qoiǵan FTB qujatynda.
Al KSRO-da bolǵan basqa derekkóz FTB-nyń 1963 jyly Keńes Odaǵynyń Kommýnistik partiiasynyń basshylyǵy kisi óltirý oqiǵasy AQSh-taǵy ishki astyrtyn áreketten bolǵan dep eseptegenin habarlaǵan.
"Bizdiń derekkózdiń málimetinshe, Keńes Odaǵynyń Kommýnistik partiiasynyń resmi tulǵalary bul oqiǵany AQSh-taǵy "ýltraquqylylar" tarapynan "tóńkeris" jasaý úshin yjdahatpen uiymdastyrylǵan astyrtyn áreket bolǵan dep eseptegen. Soǵan qaraǵanda, olar kisi óltirý oqiǵasynyń bir adamnyń qolynan kelgen is emes, birneshe adam ról atqarǵan yjdahatty josparlanǵan kampaniianyń áreketinen bolǵan nátije dep eseptegen", - delingen qujatta.
"Olar (Kommýnistik partiianyń basshylyǵy - Avt.), bul elementter (astyrtyn áreket etkender - Avt.) oqiǵany qoldaný arqyly AQSh-taǵy antikommýnistik kóńil-kúi jasaǵysy kelgen, sosyn muny Keńes Odaǵymen kelissózderdi toqtatýǵa, Kýbaǵa shabýyl jasap, soǵys uiymdastyrý úshin qoldandy dep sanady. Osy tujyrymdarynyń nátijesinde Keńes Odaǵy dereý joǵary daiyndyq jaǵdaiyna ótti", - delingen qujatta.
"Bizdiń derekkózdiń málimdeýine qaraǵanda, keńestiń resmi tulǵalary qandai da bir liderdiń bolmaýynan AQSh-taǵy jaýapsyz generaldardyń biri Keńes Odaǵyna qarai zymyran ushyrýy múmkin dep qoryqqan. Budan bólek, ásirese AQSh kompartiiasynyń "ýltrasoldardyń" tarapynan beibit tirshilik keshý men Kennedi ákimshiliginiń qarýsyzdanýdy qoldaýy úshin qýdalaýǵa ushyraǵanyn eskersek, keńestik resmi tulǵalar kisi óltirýge aralasyp ketkender ǵana jaýapty boldy dep sanaǵan", - delingen baiandamada.
Djon Fitsdjerald Kennedi - AQSh-tyń 35-prezidenti. Ómiriniń sońǵy jyldarynda halyqaralyq daýly máselelerdi beibit kelissózder arqyly sheshýge, KSRO-men neǵurlym ońtaily qarym-qatynas jasaýǵa áreket etti. 1963 jyly tamyzda jerde, áýede jáne sýda iadro qarýyn synaýǵa tyiym salý jónindegi Máskeý shartyna qol qoidy. Sońǵy saiasatkerler Djon Kennedidi AQSh prezidentteriniń ishinde halyqaralyq problemalardy eń ońtaily sheshetin prezident retinde tanydy. Jalpy jurtqa belgili nusqa boiynsha, ol saiasi qarsylastary tapsyrmasymen jasalǵan qaraqshylyq saldarynan qaza tapty.
