Tanymal akter Djeki Chan jaqynda Beijińde ashylǵan kýng-fý mektebi týraly aityp berdi, dep habarlaidy QazAqparat.
«Qazir Beijińde kýng-fý boiynsha jattyǵýlar júrgizýdemiz, aldaǵy jyly onda mektebimizdi resmi túrde ashýǵa niettimiz. Sondyqtan da osy múmkindikti paidalana otyryp, osy ónerge qyzyǵýshylyq tanytqan adamdar Beijińge kelip, kýng-fýdy meńgerýdi ótiner edim. Búginde osy saladaǵy jumystarymyz jańadan qarqyn alýda, osy oraida bolashaqta barsha álemde mektepterdi ashýǵa niettimin. Múmkin Qazaqstanda da kýng-fý mektebi ashylyp qalar», - dedi tanymal akter.
Budan bólek ol qaiyrymdylyq sharalaryna da toqtalyp ótti.
«Men árqashanda osy baǵytqa úlesimdi qosýǵa ázirmin. Sondyqtan buqaralyq aqparat quraldary kómekti qajet etetin problemalar jaiynda jii málimet taratsa degen usynysym bar. Shyn máninde Qazaqstan jaiynda tolyq bilmeimin. Negizinen álem boiynsha qaiyrymdylyqpen ainalysqan kezde BAQ ókilderi maǵan qandai kómekti kórsetýge bolatyndyǵy jaiynda habardar etetin», - dep túiindedi sózin Djeki Chan.
Eske sala keteiik, álemdik akter, kaskadior, kinorejissior, kinoprodiýser, stsenarist, ánshi, milliondaǵan kórermenniń súiiktisine ainalǵan ańyz adam - Djeki Chan keshe alǵash ret Astanaǵa aiaq basty. Sharanyń basty uiymdastyrýshylary - «Qazaqstan» respýblikalyq teleradiokorporatsiiasy men QHR Baspasóz, baspa, radio, kino jáne televiziia isi jónindegi memlekettik basqarmasy.
