تانىمال اكتەر دجەكي چان جاقىندا بەيجٸڭدە اشىلعان كۋنگ-فۋ مەكتەبٸ تۋرالى ايتىپ بەردٸ, دەپ حابارلايدى قازاقپارات.
«قازٸر بەيجٸڭدە كۋنگ-فۋ بويىنشا جاتتىعۋلار جٷرگٸزۋدەمٸز, الداعى جىلى وندا مەكتەبٸمٸزدٸ رەسمي تٷردە اشۋعا نيەتتٸمٸز. سوندىقتان دا وسى مٷمكٸندٸكتٸ پايدالانا وتىرىپ, وسى ٶنەرگە قىزىعۋشىلىق تانىتقان ادامدار بەيجٸڭگە كەلٸپ, كۋنگ-فۋدى مەڭگەرۋدٸ ٶتٸنەر ەدٸم. بٷگٸندە وسى سالاداعى جۇمىستارىمىز جاڭادان قارقىن الۋدا, وسى ورايدا بولاشاقتا بارشا ەلەمدە مەكتەپتەردٸ اشۋعا نيەتتٸمٸن. مٷمكٸن قازاقستاندا دا كۋنگ-فۋ مەكتەبٸ اشىلىپ قالار», - دەدٸ تانىمال اكتەر.
بۇدان بٶلەك ول قايىرىمدىلىق شارالارىنا دا توقتالىپ ٶتتٸ.
«مەن ەرقاشاندا وسى باعىتقا ٷلەسٸمدٸ قوسۋعا ەزٸرمٸن. سوندىقتان بۇقارالىق اقپارات قۇرالدارى كٶمەكتٸ قاجەت ەتەتٸن پروبلەمالار جايىندا جيٸ مەلٸمەت تاراتسا دەگەن ۇسىنىسىم بار. شىن مەنٸندە قازاقستان جايىندا تولىق بٸلمەيمٸن. نەگٸزٸنەن ەلەم بويىنشا قايىرىمدىلىقپەن اينالىسقان كەزدە باق ٶكٸلدەرٸ ماعان قانداي كٶمەكتٸ كٶرسەتۋگە بولاتىندىعى جايىندا حاباردار ەتەتٸن», - دەپ تٷيٸندەدٸ سٶزٸن دجەكي چان.
ەسكە سالا كەتەيٸك, ەلەمدٸك اكتەر, كاسكاديور, كينورەجيسسيور, كينوپروديۋسەر, ستسەناريست, ەنشٸ, ميلليونداعان كٶرەرمەننٸڭ سٷيٸكتٸسٸنە اينالعان اڭىز ادام - دجەكي چان كەشە العاش رەت استاناعا اياق باستى. شارانىڭ باستى ۇيىمداستىرۋشىلارى - «قازاقستان» رەسپۋبليكالىق تەلەراديوكورپوراتسيياسى مەن قحر باسپاسٶز, باسپا, راديو, كينو جەنە تەلەۆيزييا ٸسٸ جٶنٸندەگٸ مەملەكەتتٸك باسقارماسى.
