Alibaba Group negizin qalaýshy Djek Ma AQSh pen Qytai arasyndaǵy saýda soǵysynyń 20 jylǵa sozylýy múmkin ekenin aityp, bul problema basqa da memleketterge áser etetindikten, jyldam sheshimin tabatynyna úmittenetinin jetkizdi, dep habarlaidy Baq.kz aqparat agenttigi ABC News basylymyna silteme jasap.
AQSh prezidenti Donald Tramp eki memleket arasyndaǵy saýdany qatań synǵa alyp keledi. Al qytailyq milliarder Amerika men Qytai arasynda saýda balansynyń joqtyǵyna kúmánmen qaraitynyn aitty.
«Saýda bitken kezde soǵys bastalady. Sondyqtan saýda – soǵysty toqtatýdyń amaly. Saýda – senimdi nyǵaitýdyń amaly. Bul – bir-birimizben kúresý úshin qoldanylatyn qarý emes», dedi Djek Ma Dúniejúzilik saýda uiymynda ótken seminar barysynda. Onyń aitýynsha, saýda shielenisi tek Amerika men Qytaidyń naryǵyna ǵana emes, basqa memleketterdiń de kásiporyndary men biznesine keri áserin tigizedi.
Jalpy, Djek Ma saýdaǵa qatysty oń kózqarasta ekenin, biraq bul salany óz qolyna alyp basqarǵysy keletinderden, retteýge niettilerden qorǵaý kerek ekenin aitty.
«Búgingi tańda biz Made in China, Made in America, Made in Switzerland, Made in Geneva degen siiaqty jazýlardy jii kórip júrmiz. Bolashaqta, mysaly, 2030 jylǵa qarai Made in Internet degen ónimder paida bola bastasa da, tańǵalmaityn bolamyz. Sebebi biznestiń 85 paiyzy bolashaqta elektrondy kommertsiiamen ainalysatyn bolady», deidi ol.
Aita keteiik, Alibaba Group – elektrondy kommertsiiamen ainalysatyn álemdegi eń iri kompaniialardyń biri. Bul kompaniia amerikalyq riteilerlerdi qytai jetkizýshilerimen bailanystyrady.
AQSh naryǵy qytai kásiporyndary úshin mańyzdy. Tramp ákimshiligi qytai taýarlaryna júzdegen milliard dollar tarif engizdi. Buǵan Beijiń de jaýap qaitaryp, eki memleket arasynda saýda soǵysy bastaldy.
54 jastaǵy Djek Ma Qytai biznesiniń tanymal kóshbasshylarynyń biri. Ol kelesi jyly qyrkúiek aiynda Alibaba tóraǵasy qyzmetinen ketetinin, biraq kompaniiany baqylaý quzyretin saqtaityn seriktestik múshesi bolyp qala beretinin aitqan.
