Alibaba Group نەگٸزٸن قالاۋشى دجەك ما اقش پەن قىتاي اراسىنداعى ساۋدا سوعىسىنىڭ 20 جىلعا سوزىلۋى مٷمكٸن ەكەنٸن ايتىپ, بۇل پروبلەما باسقا دا مەملەكەتتەرگە ەسەر ەتەتٸندٸكتەن, جىلدام شەشٸمٸن تاباتىنىنا ٷمٸتتەنەتٸنٸن جەتكٸزدٸ, دەپ حابارلايدى Baq.kz اقپارات اگەنتتٸگٸ ABC News باسىلىمىنا سٸلتەمە جاساپ.
اقش پرەزيدەنتٸ دونالد ترامپ ەكٸ مەملەكەت اراسىنداعى ساۋدانى قاتاڭ سىنعا الىپ كەلەدٸ. ال قىتايلىق ميللياردەر امەريكا مەن قىتاي اراسىندا ساۋدا بالانسىنىڭ جوقتىعىنا كٷمەنمەن قارايتىنىن ايتتى.
«ساۋدا بٸتكەن كەزدە سوعىس باستالادى. سوندىقتان ساۋدا – سوعىستى توقتاتۋدىڭ امالى. ساۋدا – سەنٸمدٸ نىعايتۋدىڭ امالى. بۇل – بٸر-بٸرٸمٸزبەن كٷرەسۋ ٷشٸن قولدانىلاتىن قارۋ ەمەس», دەدٸ دجەك ما دٷنيەجٷزٸلٸك ساۋدا ۇيىمىندا ٶتكەن سەمينار بارىسىندا. ونىڭ ايتۋىنشا, ساۋدا شيەلەنٸسٸ تەك امەريكا مەن قىتايدىڭ نارىعىنا عانا ەمەس, باسقا مەملەكەتتەردٸڭ دە كەسٸپورىندارى مەن بيزنەسٸنە كەرٸ ەسەرٸن تيگٸزەدٸ.
جالپى, دجەك ما ساۋداعا قاتىستى وڭ كٶزقاراستا ەكەنٸن, بٸراق بۇل سالانى ٶز قولىنا الىپ باسقارعىسى كەلەتٸندەردەن, رەتتەۋگە نيەتتٸلەردەن قورعاۋ كەرەك ەكەنٸن ايتتى.
«بٷگٸنگٸ تاڭدا بٸز Made in China, Made in America, Made in Switzerland, Made in Geneva دەگەن سيياقتى جازۋلاردى جيٸ كٶرٸپ جٷرمٸز. بولاشاقتا, مىسالى, 2030 جىلعا قاراي Made in Internet دەگەن ٶنٸمدەر پايدا بولا باستاسا دا, تاڭعالمايتىن بولامىز. سەبەبٸ بيزنەستٸڭ 85 پايىزى بولاشاقتا ەلەكتروندى كوممەرتسييامەن اينالىساتىن بولادى», دەيدٸ ول.
ايتا كەتەيٸك, Alibaba Group – ەلەكتروندى كوممەرتسييامەن اينالىساتىن ەلەمدەگٸ ەڭ ٸرٸ كومپانييالاردىڭ بٸرٸ. بۇل كومپانييا امەريكالىق ريتەيلەرلەردٸ قىتاي جەتكٸزۋشٸلەرٸمەن بايلانىستىرادى.
اقش نارىعى قىتاي كەسٸپورىندارى ٷشٸن ماڭىزدى. ترامپ ەكٸمشٸلٸگٸ قىتاي تاۋارلارىنا جٷزدەگەن ميلليارد دوللار تاريف ەنگٸزدٸ. بۇعان بەيجٸڭ دە جاۋاپ قايتارىپ, ەكٸ مەملەكەت اراسىندا ساۋدا سوعىسى باستالدى.
54 جاستاعى دجەك ما قىتاي بيزنەسٸنٸڭ تانىمال كٶشباسشىلارىنىڭ بٸرٸ. ول كەلەسٸ جىلى قىركٷيەك ايىندا Alibaba تٶراعاسى قىزمەتٸنەن كەتەتٸنٸن, بٸراق كومپانييانى باقىلاۋ قۇزىرەتٸن ساقتايتىن سەرٸكتەستٸك مٷشەسٸ بولىپ قالا بەرەتٸنٸن ايتقان.
