Instagram/lilbieber
Tanymal ánshi Djastin Biber Instagram-da Qazaqstandaǵy Boqty taýynyń sýretin bólisti.
Kanadalyq ánshi Djastin Biber Instagram-Stories-inde Qazaqstandaǵy eń erekshe tabiǵi nysandardyń biri - halyq arasynda "Tiramisý" dep atalyp ketken Boqty taýynyń sýretterin bólisti.
Lada.kz málimetinshe, Biber bul sýretterdi @earthbestshots paraqshasynan repost jasaǵan. Sýretterdiń avtory - tanymal peizaj fotografy Daniel Kordan (@danielkordan).
Boqty taýy Ústirt qoryǵynda ornalasqan. Biiktigi - shamamen 165 metr. Ásirese, kún shyqqanda jáne batqanda qyzǵylt-sary túske boialatyn qabat-qabat jartasy erekshe áser qaldyrady.
Álemdik juldyzdyń Stories-nan keiin jeli qoldanýshylary tańdanysyn jasyrmady:
"Biber bizdiń tabiǵattyń sýretin bólisti degenge senesiz be?" – dep jazdy Instagram qoldanýshylarynyń biri.
Jergilikti turǵyndar muny "óńirge jasalǵan úlken jarnama" dep baǵalap jatyr.
