Eýropa Keńesi Venetsiia komissiiasynyń prezidenti Djanni Býkikkio «HHI ǵasyrdyń Konstitýtsiiasy - quqyq ústemdigi, adam qundylyǵy jáne memlekettiń tiimdiligi» atty onlain-halyqaralyq konferentsiiada quttyqtaý sózin joldady, dep habarlaidy QazAqparat.
Aita keteiik, forým Qazaqstan Respýblikasy Konstitýtsiiasynyń 25 jyldyǵyna arnalǵan. Sonymen qatar, forým aiasynda Aziialyq Konstitýtsiialyq sottar men balama institýttar Qaýymdastyǵynyń IV Kongresi ótýde.
«Koronavirýs indeti Nur-Sultan qalasynda kezdesýge múmkindik bermei otyrǵanyna qaramastan, búgingi onlain konferentsiia kezindegi pikir almasý mazmundy bolady degen senimdemin. Taiaýda Qazaqstan elordasynda kezdesemiz degen úmittemin», - dedi Djanni Býkikkio.
Onyń sózine qaraǵanda, Aziialyq Konstitýtsiialyq sottar men balama institýttar Qaýymdastyǵynyń IV Kongresi úshin iriktelgen taqyryptarda zań ústemdigi, adam quqyǵyn qorǵaýdaǵy mańyzdy tetikter atap ótilgen. Bul taqyryptar zamanaýi ári tiimdi memlekettiń kontseptsiiasyna sai keledi.
Sonymen qatar Djanni Býkikkio Venetsiia komissiiasy 2016 jyly quqyq ústemdiginiń baqylaý tizbesin qabyldaǵanyn eske saldy. Ol quqyq ústemdiginiń túrli aspektilerin damytady. Osy oraida zańdylyq, quqyqtyq aiqyndyq, zań aldyndaǵy teńdik, sot tóreligine qoljetimdik eskerilgen. Bul tizbemen jumys istei otyryp, konstitýtsionaldy ári halyqaralyq standarttar ózara bailanysty ekenin, birin-biri tolyqtyryp turǵanyn atap ótken jón.
«Osy tizbe búgin talqylanyp otyrǵan basqa taqyrypty da qamtyp otyr. Tsifrly transformatsiia kezeńinde adam quqyǵy men demokratiialyq qundylyqtardy qalai qorǵai alamyz? Osy kepildikter qazirgi zamanǵy memleket tiimdiliginiń negizi bolady», - dedi ol.
Budan buryn habarlanǵandai, búgin Qazaqstan Respýblikasy Konstitýtsiiasynyń 25 jyldyǵyna arnalǵan «HHI ǵasyrdyń Konstitýtsiiasy - quqyq ústemdigi, adam qundylyǵy jáne memlekettiń tiimdiligi» taqyrybynda onlain-halyqaralyq konferentsiia óz jumysyn bastady.
