«Jumyspen qamtýdyń jol kartasy» negizinde daǵdarysqa qarsy sharalarǵa baǵyttalǵanyn atap ótken jón. Osyǵan orai, Úkimet qabyldaǵan «2017-2021 jj. arnalǵan nátijeli jumyspen qamtý jáne jappai kásipkerlikti damytý» jańa baǵdarlamasy eńbek naryǵynda suranysqa ie kásibi biliktilikti alý, jappai kásipkerlikti damytý arqyly eńbek resýrstarynyń sapasyn, áleýetin damytýǵa baǵyttalǵan. Biz baǵdarlama mindetterin belgilegen kezde birneshe negizgi problemany eskerdik. Buryn da aitylyp kele jatqan birinshi problema, oǵan Úkimet te nazar aýdaryp keledi, ol - eńbek resýrstarynyń sapasynyń tómendigi. Biz elimizdegi barlyq eńbekke jaramdy halyqtyń 28 paiyzy mektep bilimin ǵana alǵanyn moiyndaýymyz kerek. Jumyssyzdardyń 32 paiyzy, jaldamaly jumysshylardyń 20 paiyzynda mektep bilimi ǵana bar», - dedi T.Dúisenova.
Ministrdiń aitýynsha, olardyń barlyǵyna qysqa jáne uzaq merzimdi bilim berý kerek.
Eske salsaq, buǵan deiin Bilim jáne ǵylym ministrligi 2017 jyldan bastap jastarǵa tegin kásiptik-tehnikalyq bilim beriletinin habarlaǵan bolatyn
