Biryńǵai jinaqtaýshy zeinetaqy qorynyń tóńiregindegi qarjylyq daýdyń azamattardyń zeinetaqy jarnalaryna esh qatysy joq.
Bul týraly búgin Úkimet úiinde ótken baspasóz máslihatynda QR Eńbek jáne halyqty áleýmettik qorǵaý ministri Tamara Dúisenova málim etti, dep habarlaidy Ult.kz tilshisi QazAqparat agenttigine silteme jasap.
«Biryńǵai jinaqtaýshy zeinetaqy qory tóńiregindegi daý-damaiǵa qatysty aitaiyn degenim, Zańǵa sáikes azamattardyń zeinetaqy jinaǵyna memleket tarabynan tolyq kepildik beriledi. Azamattar zeinetkerlikke shyqqanǵa deiin olardyń qordaǵy jarnalary memleket tarabynan infliatsiiaǵa bailanysty ósirilip otyrady. Iaǵni, biz jyl saiynǵy infliatsiia kóleminen tómen emes jinaqtalǵan zeinetaqy qorymyzdy alýǵa tiispiz. Eger jinaqtaýshy qordyń durys istemegendiginen, iaki ýaqytynda tabys ala almaǵandyǵynan zeinetaqy qorymyz kemitin bolsa, onda ony memleket tolyqtyryp otyrady. Ol bizdiń Zańymyzda qarastyrylǵan», - dedi ministr.
Osy rette Tamara Dúisenova Biryńǵai jinaqtaýshy zeinetaqy qory óz aktivi esebinde qarajatty jumsaǵany úshin tekserýge ushyraǵandyǵyn atap ótti.
«Sheshimin sot shyǵarady. Biraq, bul másele bizdiń zeinetaqy qorymyzdaǵy qarajatqa esh qatysy joq. Biz ony eki jaqtan baqylaýda ustap otyrmyz. Ai saiyn biz árbir azamattyń eńbekaqysynan qansha qarajat zeinetaqy qoryna ketip jatqanyn kórip otyrmyz. Ekinshiden, Ulttyq bank te baqylaýda ustaidy», - dedi ol.
Buǵan deiin QR UQK Almaty qalasy boiynsha departamenti Biryńǵai jinaqtaýshy zainetaqy qory (BJZQ) «Býzgýl Aýrým» JShS obligatsiialaryn satyp alý faktisi boiynsha qylmystyq is qozǵaǵanyn habarlaǵan bolatynbyz.
Aita keteiik, Eńbek ministri búgin 2020 jylǵa qarai Qazaqstanda kópdeńgeili zeinetaqy júiesi qurylatyndyǵyn jetkizgen edi.
Munan bólek, ol 2018 jyldyń 1 shildesinen zeinetkerlikke shyǵatyn áielderdiń zeinetaqysy 2 esege ulǵaitylatyndyǵyn málim etti.
