QR Eńbek jáne halyqty áleýmettik qorǵaý ministri Tamara Dúisenova keler jyly ortasha zeinetaqy mólsheri 72 myń teńgeni quraitynyn málimdedi, dep habarlaidy "Ult aqparat" Sputnik Qazaqstan-ǵa silteme jasap.
"1 qańtardan bastap yntymaqty zeinetaqy 8 paiyzǵa, bazalyq zeinetaqy 6 paiyzǵa ósedi. Osylaisha ortasha zeinetaqy mólsheri 72 myń teńgeni quraidy. Buǵan qosa, múgedektik, asyraýshysynan aiyrylý, jasy boiynsha áleýmettik tólemder 16 paiyzǵa kóbeiedi, al qalǵan áleýmettik tólemder infliatsiia deńgeiine sáikes 6 paiyzǵa ósedi. Eń tómengi jalaqy eń tómengi kúnkóris deńgeiiniń kólemimen birdei bolady. Iaǵni ol da 16 paiyzǵa ósip, 28 259 teńgeni quraidy", — dedi ministr.
Osy tusta Dúisenova bazalyq zeinetaqy 2018 jyldyń 1 shildesinen qaita esepteletinin atap ótti.
"Bazalyq zeinetaqy eńbek ótiline bailanysty 2018 jyldyń 1 shildesinen qaita esepteledi. Bul ózgeris 2 million zeinetkerge qatysty. Kimde 10 jyl eńbek ótili bolsa, olarda zeinetaqy mólsheri 54 paiyzǵa teń bolady. Al eńbek ótili 33 jyldan asatyndarda bazalyq zeinetaqy eki esege kóp bolady", — dedi ministr.
.jpeg)