Dýshanbede ótip jatqan Tájikstan Respýblikasyndaǵy qazaqstandyq meditsina kúnderi aiasynda A.N. Syzǵanov atyndaǵy Ulttyq ǵylymi hirýrgiia ortalyǵynyń rentgenendovaskýliarlyq hirýrgiia jáne aritmologiia bólimshesiniń meńgerýshisi, PhD Ádil Qudaibergenuly Baiymbetov «qarynshaústilik tahikardiianyń kateterlik radiojiiliktik abliatsiialaryn» oryndap, 4 ota jasady. Ota jasalǵan naýqastardyń jasy 14-57 jas aralyǵyn quraidy. Barlyq ota sátti aiaqtaldy.
Manipýliatsiialar EP Tracer CardioTek portativti júiesiniń kómegimen oryndaldy.
Mundai otalar Tájikstannyń Respýblikalyq júrek-tamyr hirýrgiiasy ortalyǵynda alǵash ret jasaldy. Tájikstandyq áriptester bul otalardy júieli túrde qoldanysqa engizýdi kózdep otyr, óitkeni Tájikstandyq azamattar osyndai otalardy jasatý maqsatynda shekara shebinen asyp ketýge májbúr.
Bul otalardy jasaý barysynda A.N. Syzǵanov atyndaǵy UǴHO-da aritmologiia boiynsha bastapqy daiyndyqtan ótken Saidolim Odil esimdi jas kardiolog-aspirant assistent mindetin atqardy.
Kóptegen jyldar boiy eki ortalyq meditsinanyń túrli baǵyttary boiynsha tyǵyz áriptestik qarym-qatynas ornatyp keledi.
Tájikstandyq áriptester endi óz elderinde aritmologiiany damytýǵa daiyn.
