Dúniejúzilik densaýlyq saqtaý uiymy Bas direktory Qasym-Jomart Toqaevtyń pandemiiaǵa qarsy kúrestegi eńbegine joǵary baǵa berdi, dep habarlaidy "Ult aqparat".
Dúniejúzilik densaýlyq saqtaý uiymy Bas direktory Tedros Adhanom Gebreiesýstyń aitýynsha, qyrkúiek aiyna qarai jer sharyndaǵy halyqtyń 10 paiyzyna ekpe egilip, jyl sońyna deiin bul kórsetkish 30 paiyzǵa jetýi kerek.
Prezident elimizge naqty kórsetken qoldaýy, iaǵni pandemiianyń alǵashqy ailarynda qorǵanysh quraldary men meditsinalyq jabdyqtardy jetkizip bergeni úshin Dúniejúzilik densaýlyq saqtaý uiymyna rizashylyq bildirdi.
Qasym-Jomart Toqaev Tedros Adhanom Gebreiesýske Qazaqstanda koronavirýspen kúresý úshin qabyldanyp jatqan sharalar jóninde málimet berdi.
Tedros Adhanom Gebreiesýs Qasym-Jomart Toqaevtyń pandemiiaǵa qarsy kúrestegi eńbegine joǵary baǵa berdi.
Taraptar alǵashqy meditsinalyq-sanitarlyq kómek qyzmetiniń damý perspektivalaryn, atap aitqanda, 2018 jyly qabyldanǵan Astana deklaratsiiasyn ilgeriletý máselesin qozǵady.
Osy oraida Memleket basshysy Qazaqstannyń bastamasy boiynsha ázirlenetin Alǵashqy meditsinalyq-sanitarlyq kómek týraly saiasi rezoliýtsiiany qoldaýǵa shaqyrdy.
Atalǵan qujat 2022 jyly ótetin BUU Bas Assambleiasynyń kezekti sessiiasynda qabyldanýy múmkin.
Rezoliýtsiia jobasynda Astana deklaratsiiasynyń mindetteri men Alǵashqy meditsinalyq-sanitarlyq kómek mehanizmderi qamtylǵan.
Qasym-Jomart Toqaev Tedros Adhanom Gebreiesýsqa «One Health» baǵdarlamasy aiasynda daiyndalǵan Ortalyq Aziianyń áleýetin arttyrý jónindegi Qazaqstannyń pilottyq jobasyn usyndy.
Bul joba aýrý men bioqaýipsizdikti baqylaýdyń óńirlik ortalyǵyn qurýdy maqsat etedi.
