Halyqaralyq qaita qurý jáne damý bankiniń (Dúniejúzilik bank) Nur-Sultandaǵy missiiasy aiasynda qarjy uiymy sarapshylary men QR Eńbek jáne halyqty áleýmettik qorǵaý ministrligi ókilderiniń arasynda birqatar kópjaqty kezdesý ótti, dep habarlaidy atalǵan vedomstvonyń baspasóz qyzmeti.
Shetelden kelgen qonaqtar 550 kásibi standarttardyń negizinde jańartylatyn Qazaqstandaǵy bilim berý baǵdarlamalarynyń ázirlenýi men jańartylýy aiaqtalýyn joǵary baǵalady.
2016 jyldan bastap eńbek ministrligi Dúniejúzilik banktiń qarjylyq jáne tehnikalyq qoldaýymen jumyspen qamtýdy jaqsartýǵa jáne kadrlardy oqytýdyń tiimdiligin arttyrýǵa baǵyttalǵan «Eńbek daǵdylaryn damytý jáne jumysqa yntalandyrý» jobasyn júzege asyryp kele jatqany belgili. Aiaqtalýǵa taiaǵan jobany iske asyrýdyń mártebesin jáne belgilengen kórsetkishterge qol jetkizýin baǵalaý úshin, Qazaqstannyń astanasyna HQDB-nyń bilim berý praktikasy boiynsha basqarýshy Garri Patrinos jáne bilim berý boiynsha jetekshi mamany Aleksandr Valerio keldi.
«Jobanyń mindetteriniń biri – naryqtyq talaptarǵa sáikes keltirilgen biryńǵai kásibi, bilim berý jáne biliktilik standarttarynyń qol jetimdiligi men qoldanylýyn qamtamasyz etetin, eńbek naryǵyn ońtailandyratyn jáne qalyptastyratyn ulttyq biliktilik júiesin damytý úshin negiz qurý bolyp tabylady. Osy maqsatta joba aiasynda ekonomikanyń suranysqa ie 12 salasy úshin 550 kásibi standart ázirlendi, olardyń 70-i bekitildi, al taǵy 480-i jyldyń sońyna deiin bekitmek. Biz bul jumystyń belgilengen merzimde jáne sapaly júrgizilip jatqanyna rizashylyǵymyzdy bildiremiz», – dedi Garri Patrinos.
Missiia qatysýshylary eńbek ministrliginiń ókilderimen bekitilgen kásibi standarttarmen, iaǵni eńbek naryǵynyń talaptaryna sáikestendiriletin bilim berý baǵdarlamalaryn aldaǵy ýaqytta jandandyrý máselelerin talqylady.
Dúniejúzilik bank mamandarynyń Nur-Sultanǵa sapary aiasynda jumyspen qamtý ortalyqtarynyń (JQO) jumysymen, onyń qyzmetkerlerine arnalǵan oqý baǵdarlamalaryn jáne talapkerlerge usynylatyn biliktilikti arttyrý kýrstarymen tanysty. Joba sheńberinde JQO-nyń materialdyq-tehnikalyq jabdyqtalýy buǵan deiin jaqsartylǵan bolatyn, atap aitqanda olar zamanaýi IT jabdyqtarmen qamtamasyz etilgen, al 2020 jyly odan ári jańǵyrtý josparlanýda.
Missiia odan ári ózara árekettesýdiń mańyzdy aspektilerin naqtylaýǵa múmkindik týǵyzyp otyr. Ulttyq biliktilik júiesin damytý boiynsha eńbek ministrligi usynǵan sharalar eń tiimdi bilim berý baǵdarlamalaryn ázirleý barysynda yqpal etetin bolady. Qazirdiń ózinde QR Bilim jáne ǵylym ministrligimen yntymaqtastyq tetigi pysyqtalyp jatyr. 2020 jyldyń ortasyna qarai qazaqstandyq bilim berý uiymdarynda jańartylǵan bilim berý standarttary engiziledi dep kútilýde, bul jumys berýshilerdiń talaptaryna sáikes keletin jańa kadrlardy eńbek naryǵyna shyǵarýǵa múmkindik beredi.
Missiia qorytyndysy boiynsha Dúniejúzilik bank ókilderi jobany iske asyrý tiimdiliginiń berilgen aralyq kórsetkishterine qol jetkizgenin atap ótip, jumystyń nátijeli qarqynyn odan ári qoldaýǵa úmit bildirdi.
