QR Premer-Ministri Asqar Mamin Dúniejúzilik banktiń Eýropa jáne Ortalyq Aziia aimaǵy boiynsha vitse-prezidenti Anna Berdemen kezdesý ótkizdi. Bul týraly primeminister.kz saity habarlaidy
Taraptar QR men Dúniejúzilik banktiń tsifrlyq tehnologiialar, qarjy, infraqurylym, energetika, aýyl sharýashylyǵy, ekologiia, adami kapitaldy, shaǵyn jáne orta biznesti damytý sekildi salalardaǵy jobalardy iske asyrýdaǵy yntymaqtastyq perspektivalaryn, sondai-aq Qazaqstan ekonomikasyna pandemiia saldaryn barynsha azaitý máselelerin talqylady.
Dúniejúzilik bank ókilderi QR Úkimetiniń COVID-19-ǵa qarsy kúres, kásipkerlikti qoldaý jáne nátijeli jumyspen qamtý boiynsha qabyldap jatqan sharalaryna joǵary baǵa berdi. Bul 2021 jyldyń 4 aiynyń qorytyndysy boiynsha Qazaqstan ekonomikasynyń ósý traektoriiasyna shyǵýyna múmkindik berdi.
Ekonomikanyń naqty sektoryndaǵy turaqty jáne joǵary ósý qarqyny, eldiń JIÓ-degi óńdeý ónerkásibi úlesiniń artýy, sondai-aq kórsetiletin qyzmetter sektoryndaǵy qalpyna keltirý serpini erekshe atalyp ótti.
Kelissózder qorytyndysy boiynsha nátijege baǵdarlanǵan mal sharýashylyǵyn turaqty damytý baǵdarlamasy boiynsha qaryz týraly kelisimge qol qoiyldy. Qujat Halyqaralyq qaita qurý jáne damý bankiniń Qazaqstanǵa veterinariialyq qyzmet pen janýarlardy esepke alý júiesin jetildirýge, fermerge baǵdarlanǵan qyzmet kórsetý modelin keńeitýge, sondai-aq etti mal sharýashylyǵy sektory úshin «jasyl ósim» saiasatyn iske asyrýǵa 460 mln eýro bólýin kózdeidi. Jobany iske asyrý merzimi – 2021-2025 jyldar.
