Ardaqty alash balasy!
Qadirli aǵaiyn!
Qurmetti baýyrlar!
Dúniejúzindegi ózin "Qazaqpyn" dep esepteitin azamat!
Ulttyń taǵdyry men bolashaǵyna, birligi men tirligine qatysty qatysty meniń myna usynysyma qoldaý kórsetip, daýys berýlerińizdi suraimyn!
P.S.: Aldaǵy ýaqytta bergen daýystaryńyz sanalyp, aty-jónderińiz jazylyp, (FB alańynda joq basqa da kórnekti qoǵam jáne memleket qairatkerleriniń, áigili óner adamdarynyń, belgili aqyn-jazýshylardyń, ǵalymdardyń, sportshylardyń qoly jinalyp) bul USYNYS Aqordaǵa, QR Parlamentine, QR Úkmietine jóneltiledi.
USYNYS
Bir kezderi tarihi jaǵdailarǵa bailanysty qazaq halqy dúniejúziniń túkpir-túkpirine tarydai shashyrap, shildei tozyp ketti. Táýelsizdik alǵan kúnnen beri N.Á.Nazarbaevtyń kóshi-qon jáne demografiialyq saiasatynyń arqasynda alys-jaqyn shetelderden bir milliondai qandasymyz Otan qushaǵyna oraldy. "Qaida bolsa da jan baqpaq paryz" degen qadimi qaǵida bar. Sol qaǵidamen áli de 5 milliondai qandasymyz dúnieniń túkpir-túkpirinde tirlik etip jatyr. Elge oralǵysy kelgeni jáilap kele jatar. Biraq sol 5 million qazaqtyń túgi qalmai, túp qotarylyp kóship kelýi de neǵaibyl...
Táýelsizdikke qol jetkizýden, ony saqtap qalýdyń álde qaida qiyn ekenin barlyqtaryńyz jaqsy bilesizder. Ol úshin Memlekettiń egesi bolyp otyrǵan Qazaq halqynyń óziniń ishki yntymaq-berekesi, aýyzbirligi, tatýlyǵy, baýyrmaldyǵy sheshýshi ról atqarady. Jahandaný deitin mynadai almaǵaiyp zamanda Bizge, Alash balasyna tipti de bir jaǵadan bas, bir jeńnen qol shyǵaryp, áigili aqyn Sabyr Adai aitqandai "ÁR QAZAQ MENIŃ JALǴYZYM" dep tirlik etýimizge týra keledi. Ol úshin Ultymyzdy uiystyryp, jurtymyzdy jumyldyra túsetin mańyzdy is-sharalar kerek. Ondai is-sharanyń túri kóp. Sonyń biri - ULT BIRLIGI KÚNI !
Shyny kerek, bizdiń Elde de az bolmaǵan merkeler bar. Biraq olardyń bári memlekettik, jalpyadamzattyq, jalpyshyǵystyq, jalpymusylmandyq sipatta bolyp keledi. Árine, ol da kerek. Degenmen, bizge QAZAQ deitin halyqtyń óziniń yntymaq-berekesine, aýyzbirligine, tatýlyǵy men baýyrmaldyǵyna oń yqpal etetin jeke mereke óte kerek. Sondai-aq ol mereke búkil dúniejúzindegi qazaq balasynyń bárine (kóship kelgeni bar, kelmegeni bar, Otanda ómir súrip jatqany bar...) ortaq bolý kerek!
Úkimet usynyp, Elbasy qol qoisa, qazirshe beiresmi mereke retinde qoǵamdyq negizde atap ótýge bolady. Máselen, bastapqy kezde, Qazaqstanda "Dúniejúzi qazaqtary qaýymdastyǵynyń" ortalyq apparaty, jáne onyń Astana men oblystardaǵy bólimsheleri; Shetelderde qazaq mádeni ortalyqtary muryndyq bolady. Birte-birte jalpyulttyq deńgeige kóterilip ketedi.
Bul ásirese, El egesi bolyp otyrǵan Qazaqstandaǵy qandastarymyzdyń bereke-birliginiń nyǵaia túsýine, sonymen birge shetelderde, sonyń ishinde Eýropa elderindegi óte azshylyqta ómir súrip jatqan qandastarymyzdyń jas urpaǵy úshin, olardyń jyl saiyn bas qosyp, ózderiniń qazaq balasy ekendigin sezinip, ult patrioty bolyp ósýine erekshe igi yqpal etedi dep senemiz.
Sonymen biz usynyp otyrǵan merekeniń ataýy - "DÚNIEJÚZI QAZAQTARYNYŃ BIRLIGI KÚNI"
Ýaqyty - QYRKÚIEK AIYNYŃ 30-shy KÚNI.
Bul kún:
- Qazaq eli táýelsizdiginiń ekinshi jyly, iaǵni 1992 jyly "Dúniejúzi qazaqtarynyń tuńǵysh quryltaiy" ótken kún.
- Dúniejúzi qazaqtary qaýymdastyǵy qurylǵan kún.
- Halqymyzdyń peiilindei darqan, berekeli, shýaqty kez.
(izdene bersek, basqa da tarihi datalarmen sáikes kelýi múmkin).
P.S.: Eskerte ketetin bir jaǵdai, bundai merekeden qorqyp, úrkýdiń, odan álde qandai ulshyldyq syńai izdeýdiń qajeti joq! Óitkeni álem halyqtarynyń kóbinde bundai mereke kópten beri toilanyp keledi. Biz bárin emes, irgemizdegi eki alyp kórshimiz ben baýyrlas Ázerbaijan elinde dástúrli túrli toilanyp kele jatqanyn eske salsaq ta jetkilikti.
Daýys berińizder!
Sizderge degen zor qurmetpen -
baýyrlaryńyz Dúken Másimhanuly
21 qarasha 2016jyl. ASTANA
