Foto: Ashyq derekkóz
Belgili jazýshy, dramatýrg, Memlekettik syilyqtyń iegeri Dýlat Isabekov ómirden ótti, dep habarlaidy Ult.kz.
Qaraly habardy aqyn Qasymhan Begmanov jetkizdi.
"Qairan, Dýlat aǵam-ai, mynaý jaryq dúnieden Sizdiń de ketkenińiz be? Osy qazir ǵana, on - on bes minýt buryn Estiiar Dýlatuly inishegim maǵan osynaý alapat qaiǵyly habardy jylap turyp jetkizdi. Qazaqstan Jazýshylar odaǵynyń Tóraǵasy Mereke Ábdeshulyna, qalabasynyń tóńiregindegi jigitterge, basqa da el aǵalaryna qaraly habardy jetkizdim. Qazir ózim aǵamnyń úiine qarai ketip bara jatyrmyn... Iá, Qazaqstannyń Eńbek Eri, qazaq ádebietiniń klassigi, jazýshy-dramatýrg Dýlat Isabekov ómirden ótti. Qazaq halqyna qatty qaiǵyryp kóńil aitamyn."- dep jazdy ol.
Dýlat Isabekov 1942 jyldyń jeltoqsannyń 20-sy kúni Arys aýdanynyń "Lenin joly" aýylynda dúniege kelgen.
1966 j. - Ál-Farabi atyndaǵy Qazaq memlekettik ulttyq ýniversitetin bitirgen;
1967—68 j. - Qazaqstan Respýblikasy Televiziia jáne radio habaryn taratý jónindegi memlekettik komitette aǵa redaktor;
1968-70 j. - Qazaq Sovet entsiklopediiasy bas redaktsiiasynda aǵa ǵylymi redaktor;
1971—76 j. - "Juldyz" jýrnalynda bólim meńgerýshisi;
1976—80 j. - "Jalyn" baspasynda redaktsiia meńgerýshisi;
1980-88 j. - Qazaqstan Respýblikasy Mádeniet ministr repertýarlyq-redaktsiialyq kollegiianyń bas redaktory;
1988— 97 - jyly Qazaq teledidarynyń bas redaktory, "Jazýshy" baspasynyń direktory, Qazaqstan Jazýshylar odaǵynyń hatshysy;
1997 jyldan Qazaqstan Respýblikasy Mádeniettaný ǵylym zertteý institýtynyń direktory.
Alǵashqy áńgimesi "Jolda", "Zamandastar" atty jinaqta 1963 jyly jariialandy. "Beket" (1966), "Ashy bal" (1969), "Mazasyz kúnder" (1970), "Qara shańyraq" (1973), "Tirshilik" (1975) povester men áńgimeler jinaqtary, "Qarǵyn" (1980) romany basyldy.
Tandaýly povesteri "Eki jiyrma" (1983) degen atpen jaryq kórdi. Bir-qatar shyǵarmalary orys tiline aýdarylyp, "Polyn" (1978), "Otchii dom" (1979), "Smiatenie" (1986), "Novosele v starom dome" (1986) degen atpen basyldy. Jekelegen týyndylary vengr, nemis, poliak, cheh tilderinde jariialandy. Isabektiń "Rektordyń qabyldaý kúnderi" (1975), "Ápke" (1977), "Erteńgi kútý" (1979), "Muragerler" (1982), "Alystan kelgen ananas" (1984), "Kishkentai aýyl" (1986), t.b. pesalary respýblika, oblysy teatr sahnalarynda qoiyldy. Tandaýly pesalary "Jeti jelken" 1987 jyly jaryq kórdi. Jekelegen týyndylary boiyn¬sha "Gaýhar tas" (rejisser Sh.Beisembaev, 1975), "Dermene" (rejisser Asanáli Áshimov, 1986) kórkem filmderi túsirildi. "Muragerler" pesasy úshin oǵan Qazaqstan Jazýshylar odaǵynda Muhtar Áýezov atyndaǵy syilyǵy berilgen (1985)
