Jazýshy, dramatýrg Dýlat Isabekov Abaidyń 175 jyldyǵyna arnalǵan poeziia jáne mýzyka keshinen alǵan áserimen bólisti, dep habarlaidy QazAqparat.
«Búgingidei keshte men birinshi ret otyrmyn. Óitkeni, bundai bir rýhani lázzat alý, sahnaǵa súisinip qarap otyrý, ondaǵy dekoratsiia jáne ánshilerimiz, Abai óleńderi – júrekke úlken uia salǵandai boldy. Osyndai kontsertter, osyndai bas qosar ýaqyt qashan bolady eken dep júr edim. Bul–tereń oiǵa jeteleitin kesh boldy. Abaidyń oi muhityna shomylyp shyqqandai boldym», — deidi Dýlat Isabekov.
Aita ketý kerek, kesh barysynda kórermenderdiń ózderi, eresekter men balalar da uly aqynnyń óleńderin oqýǵa belsendi qatysty.
«Óte ǵajaiyp. Abaidyń búkil júregin el-halqyna jetkizgen úlken kesh boldy. Erekshe kúige bólendik. Adamnyń júregin tebirenterlik, tolǵandyrarlyq kesh boldy», – deidi keshke kelgen qala turǵyny.
Buǵan deiin habarlaǵanymyzdai, Almatydaǵy Respýblika saraiynda Abaidyń 175 jyldyǵyna arnalǵan poeziia jáne mýzyka keshi ótti. Oǵan qala ákimi Baqytjan Saǵyntaev, ziialy qaýym ókilderi, mádeniet qairatkerleri qatysty.
