Almatyda sadaqa jáshikterin qoldy etken adam ustaldy, dep habarlaidy "Ult aqparat".
Qalalyq Politsiia departamentiniń habarlaýynsha, ury dúkenderdi aralap ózin qaiyrymdylyq qorynyń múshesi retinde tanystyrǵan. Sóitip sadaqa jáshikterin alyp ketip otyrǵan. 31 jastaǵy jigit buǵan deiin de qylmystyq jaýapkershilikke tartylǵan.
«Bul jáshikter kóbinese naýqas balalardy emdeýge aqsha jinaý úshin qoiylǵan. Ury ony alyp ketip óz maqsatyna jaratqan. Ol osyndai 4 dúkennen jáshikterdi alyp ketken. Qazir politsiia kúdiktiniń basqa da qylmystarǵa qatystylyǵyn tekserip jatyr. Onyń ústinen QR QK 190-baby boiynsha qylmystyq is qozǵaldy. Kúdikti ýaqytsha oqshaýlaǵyshqa qamaldy», - dedi Túrksib aýdany politsiia basqarmasy basshysynyń orynbasary Timýr Mýlinov.
