QR Densaýlyq saqtaý ministrligi Qoǵamdyq densaýlyq saqtaý komiteti elimizdegi saýda nysandarynda satylatyn, biraq arnaiy talaptarǵa sai kelmeitin shujyq ónimderin anyqtap jatyr, dep habarlaidy "Ult aqparat".
«Elimizdegi tamaq ónimderiniń qaýipsizdigin baqylaý aiasynda shujyq ónimderiniń 1241 synamasyna saraptama júrgizildi, onyń ishinde 285 shujyq ónimi tehnikalyq reglament talaptaryna sai kelmedi», - delingen Qoǵamdyq densaýlyq saqtaý komitetiniń baspasóz qyzmeti jibergen habarlamada.
Komitettiń habarlaýynsha, «Taǵamdyq qospalardyń, hosh iistendirgishterdiń jáne tehnologiialyq qosymsha zattardyń qaýipsizdik talaptary» tehnikalyq reglamenti talaptaryna sáikes shujyq ónimindegi natrii nitraty 50 mg/kg aspaýy tiis. Al, Petropavl qalasynyń «Severnyi» sýpermarketinde reseilik «Starodvorskie kolbasy» JAQ «Doktorskaia» shujyǵynan (óndirilgen kúni - 2018 jylǵy 14 maýsym) 66,6 mg/kg natrii nitriti tabylǵan.
Qyzyljar aýdanynyń Teplichnoe aýylyndaǵy «Ýiýt» dúkeninde «Omskii bekon» AQ «POPÝLIaRNAIa» pisirilgen shujyǵynda (óndirilgen kúni - 2018 jylǵy 31 mamyr) 60,6 mg/kg natrii nitriti anyqtalǵan. Sondai-aq, Jambyl aýdanynyń Presnovka selosyndaǵy «Sova» dúkeninde «Omskii bekon» AQ óndirgen «Býterbrodnaia» pisirilgen shujyǵy (óndirilgen kúni - 2018 jylǵy 11 maýsym, natrii nitritiniń quramy - 109,8 mg/kg), «Pohodnaia» jartylai súrlengen shujyǵy (óndirilgen kúni - 2018 jylǵy 15 maýsym, natrii nitritiniń quramy - 72 mg/kg) talaptarǵa sai kelmegen.
Joǵaryda atalǵan tártip buzýshylyqtardan basqa, «Omskii bekon» AQ «Iýjnaia», «Selskaia» jáne Zarechnaia shujyqtarynan levomitsetinniń artyq mólsheri anyqtalǵan. «Tamaq ónimderiniń qaýipsizdik talaptary» tehnikalyq reglament talaptaryna sáikes, shujyq ónimderindegi levomitsetinniń deńgeii 0,01 mg/kg aspaýy tiis.
«Quramyndaǵy natrii nitritteri men antibiotikteri, iaǵni levomitsini joǵary tamaqty qoldaný kezinde adamnyń densaýlyǵynyń tómendeýi baiqalýy múmkin. Osylaisha, nitritter adamnyń qanymen aralasyp, nátijesinde metemoglobin dep atalatyn zat paida bolyp, otteginiń almasýyna kedergi keltiredi, ol otteginiń jetispeýshiligine (gipoksiia) alyp keledi. Gipoksiia adam boiynda álsizdik, ózin nashar seziný, uiqyshyldyq, qusý, júike júiesi, júrek fýnktsiiasynyń, búirek pen baýyr tinderiniń buzylýyn týdyrady», - delingen Qoǵamdyq densaýlyq saqtaý komitetiniń baspasóz baianynda.
