Dýbaida ótetin EKSPO kórmesine Qazaqstannyń daiyndyǵy týraly Úkimet basshysynyń orynbasary – Qarjy ministri Álihan Smaiylov aityp berdi, dep habarlaidy "Ult aqparat".
«Biz tartylatyn investitsiia kólemin – 10 mlrd dollarǵa jetkizýdi kózdeimiz. Ol úshin Dýbaidaǵy EKSPO kórmesine qatysý kerek. Kórme 2020 jyldyń 20 qazanynda bastalyp, 2021 jyldyń 10 sáýirine deiin jalǵasady. «Múmkindikter» tehnologiialyq kesheni aiasynda Qazaqstannyń ulttyq pavilony qurylady. Oǵan álemniń ártúrli investorlary keledi», - dedi Álihan Smaiylov Úkimet otyrysynan keiin tilshilerge.
Qarjy ministri osy maqsatta qansha qarajat bólinetinin de aityp ótti.
«Ýaqytsha qurylym kóterý úshin 8,8 mlrd teńge (nemese 22 million dollar) bólindi. Eger Qazaqstannyń pavilonyn kelgen investorlardyń arqasynda elimizge qosymsha investitsiia tartylsa, bólingen qarajat ózin-ózi aqtap, jańa óndiristerdi iske qosýǵa, jumys oryndaryn ashyp, salyq túsimderin arttyrýǵa jol ashylady. Sol sebepti, atalmysh kórmege qatysýdyń mańyzy zor. Mine, sondyqtan da osyndai qarajat bólinip otyr», - dedi ol.
