Dúniejúzilik densaýlyq saqtaý uiymynyń basshysy Tedros Adanom Gebreiesýs pandemiianyń tsikldik sipatyn eske saldy. Ol búkil álemdegi densaýlyq saqtaý júielerine investitsiialardy ulǵaitýǵa shaqyrdy, dep habarlaidy dw.com caity.
Tedros Adanom Gebreiesýs koronavirýs pandemiiasy sońǵy pandemiia bolmaidy dep sanaidy. «Bolǵan oqiǵalar bizge bul sońǵy pandemiia emes ekenin jáne indetter ómirdiń bir bóligi ekenin úiretedi», - dedi Gebreiesýs 26 jeltoqsanda.
DDU basshysynyń aitýynsha, Úkimet pen qoǵamnyń qoldaýymen júzege asyrylatyn densaýlyq saqtaý júielerine investitsiialardyń ulǵaiýy «bizdiń jáne olardyń balalary neǵurlym senimdi ári turaqty álemdi mura etýine» jaǵdai jasaidy. Ótken 12 aida koronavirýs «álemdi tóńkerip jiberdi» jáne qoǵam men ekonomika úshin «úlken saldar» ákeldi, - dep atap ótti Tedros Adanom Gebreiesýs.
Gebreiesýs pandemiianyń múmkindigi oǵan deiin birneshe jyl buryn eskertilgenin eske saldy. «Biz bolǵan oqiǵadan sabaq alýymyz kerek», - dedi DDSU bas direktory.
Ol elderdiń tótenshe jaǵdailarǵa jaqsy daiyndalýy kerek ekenin jáne bul densaýlyq saqtaý salasyna ǵana emes, jalpy qoǵam men el úkimetterine de qatysty ekenin atap ótti.
Pandemiia bastalǵaly álemde 80 millionnan astam adam koronavirýsqa shaldyqqan. Álem boiynsha COVID-19 saldarynan 1,76 million naýqas kóz jumǵan. 56,87 million adam saýyǵyp shyqqan.
21 jeltoqsanda Eýrokomissiia BioNTec nemis kompaniiasy men amerikalyq Pfizer jasaǵan BNT162b2 koronavirýsqa qarsy vaktsinasyn qoldanýǵa ruqsat berdi. Vaktsina 26 jeltoqsannan bastap Germaniiada da qoldanyla bastady. Alǵashqy bolyp koronavirýsqa qarsy vaktsinany qarttar úiiniń 101 jastaǵy turǵyny Edit Kvoitsalla (Edith Kwoizalla) aldy.
