Foto: QR Densaýlyq saqtaý ministrligi
Qazaqstannyń Densaýlyq saqtaý ministrligi bir top dárigerdi Qaraǵandyǵa jiberedi, dep habarlaidy "Ult aqparat" vedomstvonyń baspasóz qyzmetine silteme jasap.
"Densaýlyq saqtaý ministrligi zardap shekkenderge konsýltatsiialyq kómek kórsetý úshin quramynda toksikolog, travmatolog-ortoped jáne neirohirýrg bar joǵary dárejeli dárigerler tobyn Qaraǵandyǵa jiberedi.
Zardap shekken kenshilerdiń ómiri men densaýlyǵyn saqtaý úshin salanyń úzdik mamandaryn tarta otyryp, barlyq qajetti meditsinalyq kómek kórsetiledi.
Qazirgi ýaqytta 18 adam professor H. J. Maqajanov atyndaǵy kópbeiindi aýrýhanaǵa jetkizildi, onyń 17-si statsionarlyq emdeýge jatqyzyldy, 1 zardap shegýshi ambýlatoriialyq em qabyldap jatyr.
Jeńil jáne ortasha aýyrlyqtaǵy ýly gazdarmen ýlanýdan zardap shekken 15 adam aýrýhananyń toksikologiia bólimshesinde emdelýde. Bir adam politravmamen reanimatsiia jáne qarqyndy terapiia bólimshesinde, jaǵdaiy aýyr, turaqty, esin biledi" - delingen habarlamada.
Jaǵdaiy ortasha aýyrlyqtaǵy taǵy bir zardap shegýshi travmatologiia bólimshesinde meditsinalyq kómek alady.
