فوتو: قر دەنساۋلىق ساقتاۋ مينيسترلٸگٸ
قازاقستاننىڭ دەنساۋلىق ساقتاۋ مينيسترلٸگٸ بٸر توپ دەرٸگەردٸ قاراعاندىعا جٸبەرەدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"دەنساۋلىق ساقتاۋ مينيسترلٸگٸ زارداپ شەككەندەرگە كونسۋلتاتسييالىق كٶمەك كٶرسەتۋ ٷشٸن قۇرامىندا توكسيكولوگ, تراۆماتولوگ-ورتوپەد جەنە نەيروحيرۋرگ بار جوعارى دەرەجەلٸ دەرٸگەرلەر توبىن قاراعاندىعا جٸبەرەدٸ.
زارداپ شەككەن كەنشٸلەردٸڭ ٶمٸرٸ مەن دەنساۋلىعىن ساقتاۋ ٷشٸن سالانىڭ ٷزدٸك ماماندارىن تارتا وتىرىپ, بارلىق قاجەتتٸ مەديتسينالىق كٶمەك كٶرسەتٸلەدٸ.
قازٸرگٸ ۋاقىتتا 18 ادام پروفەسسور ح. ج. ماقاجانوۆ اتىنداعى كٶپبەيٸندٸ اۋرۋحاناعا جەتكٸزٸلدٸ, ونىڭ 17-سٸ ستاتسيونارلىق ەمدەۋگە جاتقىزىلدى, 1 زارداپ شەگۋشٸ امبۋلاتورييالىق ەم قابىلداپ جاتىر.
جەڭٸل جەنە ورتاشا اۋىرلىقتاعى ۋلى گازدارمەن ۋلانۋدان زارداپ شەككەن 15 ادام اۋرۋحانانىڭ توكسيكولوگييا بٶلٸمشەسٸندە ەمدەلۋدە. بٸر ادام پوليتراۆمامەن رەانيماتسييا جەنە قارقىندى تەراپييا بٶلٸمشەسٸندە, جاعدايى اۋىر, تۇراقتى, ەسٸن بٸلەدٸ" - دەلٸنگەن حابارلامادا.
جاعدايى ورتاشا اۋىرلىقتاعى تاعى بٸر زارداپ شەگۋشٸ تراۆماتولوگييا بٶلٸمشەسٸندە مەديتسينالىق كٶمەك الادى.
