Búgin tańerteń Beijińnen jetkizilgen 171 qazaqstandyq aýrýhanaǵa jatqyzyldy. Bul týraly QR Densaýlyq saqtaý ministrliginiń resmi ókili Dias Ahmetshárip aitty, dep habarlaidy QazAqparat.
«Búgin tańerteń saǵat 07-00-de Beijińnen Almaty qalasyna «Eir Astana« áýe kompaniiasynyń 211 jolaýshysy bar arnaiy ushaǵy qondy. Ushaqta Qazaqstannyń 171, Qyrǵyzstannyń 40 azamaty bolǵan. Dene qyzýy men koronavirýs simptomdary bar azamattar anyqtalǵan joq. Bortqa otyrǵyzý kezinde maskalardy aýystyrý protsedýralary uiymdastyryldy», - dedi ol.
Dias Ahmetsháriptiń atap ótýinshe, qazaqstandyqtar infektsiialyq baqylaýdyń barlyq talaptaryn saqtai otyryp, Almatydaǵy kópsalaly klinikalyq aýrýhanaǵa jetkizildi. Ol jerde barlyq azamattar meditsinalyq tekserýden ótip, koronavirýs pen JRVI-ǵa qarsy zerthanalyq analiz tapsyrady.
«Statsionarda 3 kún bolady. Eger qosymsha meditsinalyq kórsetilim bolsa, aýrýhanada jatý ýaqyty uzarady. Al Qyrǵyzstan azamattarynyń barlyǵy Bishkekke jetkizildi», - dedi resmi ókil.
