بٷگٸن تاڭەرتەڭ بەيجٸڭنەن جەتكٸزٸلگەن 171 قازاقستاندىق اۋرۋحاناعا جاتقىزىلدى. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ ايتتى, دەپ حابارلايدى قازاقپارات.
«بٷگٸن تاڭەرتەڭ ساعات 07-00-دە بەيجٸڭنەن الماتى قالاسىنا «ەير استانا« ەۋە كومپانيياسىنىڭ 211 جولاۋشىسى بار ارنايى ۇشاعى قوندى. ۇشاقتا قازاقستاننىڭ 171, قىرعىزستاننىڭ 40 ازاماتى بولعان. دەنە قىزۋى مەن كوروناۆيرۋس سيمپتومدارى بار ازاماتتار انىقتالعان جوق. بورتقا وتىرعىزۋ كەزٸندە ماسكالاردى اۋىستىرۋ پروتسەدۋرالارى ۇيىمداستىرىلدى», - دەدٸ ول.
دياس احمەتشەرٸپتٸڭ اتاپ ٶتۋٸنشە, قازاقستاندىقتار ينفەكتسييالىق باقىلاۋدىڭ بارلىق تالاپتارىن ساقتاي وتىرىپ, الماتىداعى كٶپسالالى كلينيكالىق اۋرۋحاناعا جەتكٸزٸلدٸ. ول جەردە بارلىق ازاماتتار مەديتسينالىق تەكسەرۋدەن ٶتٸپ, كوروناۆيرۋس پەن جرۆي-عا قارسى زەرتحانالىق اناليز تاپسىرادى.
«ستاتسيوناردا 3 كٷن بولادى. ەگەر قوسىمشا مەديتسينالىق كٶرسەتٸلٸم بولسا, اۋرۋحانادا جاتۋ ۋاقىتى ۇزارادى. ال قىرعىزستان ازاماتتارىنىڭ بارلىعى بٸشكەككە جەتكٸزٸلدٸ», - دەدٸ رەسمي ٶكٸل.
