Foto:sn.kz alyndy
Keshe Resei Federatsiiasy Prezidenti Vladimir Pýtin Astanaǵa memlekettik saparmen keldi. Saiasattanýshy Dosym Sátpaev óziniń áleýmettik jelisindegi paraqshasynda pikir bildiripti. Ult.kz tilshisi saiasattanýshynyń pikirin qazaq tiline aýdaryp berip otyr.Dosym Sátpaev, saiasattanýshy:
"Diplomatiiada omyrtqasyzdyq emes, ikemdi omyrtqa qajet. Óitkeni «siz neni qalaisyz?» dep láppailaǵannan góri kúsh kóbirek qurmetteledi. Eger memleket ishtei qýatty bolsa, mundai «qatty jańǵaqqa» kóbiniń tisi batpaidy. Biraq biz áli de qabyǵy joq tasbaqa sekildimiz.
Pýtinniń Prezident bolǵan barlyq jyldaryndaǵy shetel saparlarynyń sanyn sanaityn bolsaq, ol bárinen de Qazaqstanǵa jiirek kelgen. 30 retten kóp kelipti.
Salystyratyn bolsaq, Belarýs ekinshi orynda – 27 ret barǵan. Aitpaqshy, úshinshi orynda Ýkrainaǵa barǵan – 21 ret, ol jaqta da ony saltanatty túrde qarsy alǵan, biraq keiin ol elge soǵys ashty.
Bul Pýtinniń belgili bir elge saparlarynyń sany sol eldiń qaýipsizdigine kepil bolmaitynyn kórsetedi.
Eger 2022 jyly Ýkrainada blitskrig iske asqanda, kelesi nysana Qazaqstan bolýy ábden múmkin edi. Qyzyǵýshylyq tanytqandar, Sýrkovanyń eksport haosy týraly maqalasyn oqyp shyǵyńyz, nemese QR tarapyna aitylǵan arandatýshylyq málimdeme jasaǵandardy eske alyńyz. Soǵysta belshesinen batqan Kreml qazir shyǵysqa qarai, Qytai baǵytyna bet burdy jáne Ortalyq Aziia olarǵa ekonomikalyq odaqtas retinde kóbirek mańyzdy. Aimaqtaǵy turaqsyzdyq Qytai men Týrkiiaǵa tiimsiz. Olar muny kórsetti.
Al, Qazaqstan qazir jan jaqtan túrli ilmekterge ilinip qalǵan shhýnany eske salady: elektroenergetikany, munai-gaz salasyn, ýran ónerkásibin, logistikany tipti Qazaqstanyń tarihyn da túzetkisi keledi.
Al Astanadaǵy UQShU sammiti bizdiń UQShU-na múshe retinde qaýipsizdik salasyndaǵy osaldyǵymyzdy taǵy bir kórsetip berdi. Bul Ýkrainadaǵy soǵys barǵan saiyn kóbirek elderdi tartyp qana jatqan joq, sondai-aq Kreml UQShU jarǵysyna sáikes keletin syrtqy agressiia retinde de kórsete alatyn eskalatsiia dárejesine de jetti.
Sondai kezde Ózbekstannyń marqum Prezidenti Islam Karimov eske túsedi. Onyń kemshiligi kóp bolsa da, 2012 jyly UQShU Ózbekstannyń egemendigi men ulttyq múddesine qaýip tóndiredi dep sanap, UQShU músheligin toqtatý týraly dana sheshim qabyldaǵan.
Aitpaqshy, jaǵdai shielenisken kúnde Reseidiń munai-gaz infraqurylymynyń Qazaqstanmen tyǵyz bailanysty bóligi zymyrandyq shabýyldar aimaǵynda qalýy múmkin, Mysaly, atap aitqanda Novorossiisk teńiz porty arqyly qazaqstandyq munai eksportqa shyǵatyn KQK nysandary ornalasqan", -deidi Dosym Sátpaev.
OQI OTYRYŃYZ: PÝTIN AQORDAǴA KELIP NE AITTY?
