فوتو:sn.kz الىندى
كەشە رەسەي فەدەراتسيياسى پرەزيدەنتٸ ۆلاديمير پۋتين استاناعا مەملەكەتتٸك ساپارمەن كەلدٸ. ساياساتتانۋشى دوسىم سەتپاەۆ ٶزٸنٸڭ ەلەۋمەتتٸك جەلٸسٸندەگٸ پاراقشاسىندا پٸكٸر بٸلدٸرٸپتٸ. Ult.kz تٸلشٸسٸ ساياساتتانۋشىنىڭ پٸكٸرٸن قازاق تٸلٸنە اۋدارىپ بەرٸپ وتىر.دوسىم سەتپاەۆ, ساياساتتانۋشى:
"ديپلوماتييادا ومىرتقاسىزدىق ەمەس, يكەمدٸ ومىرتقا قاجەت. ٶيتكەنٸ «سٸز نەنٸ قالايسىز?» دەپ لەپپايلاعاننان گٶرٸ كٷش كٶبٸرەك قۇرمەتتەلەدٸ. ەگەر مەملەكەت ٸشتەي قۋاتتى بولسا, مۇنداي «قاتتى جاڭعاققا» كٶبٸنٸڭ تٸسٸ باتپايدى. بٸراق بٸز ەلٸ دە قابىعى جوق تاسباقا سەكٸلدٸمٸز.
پۋتيننٸڭ پرەزيدەنت بولعان بارلىق جىلدارىنداعى شەتەل ساپارلارىنىڭ سانىن سانايتىن بولساق, ول بەرٸنەن دە قازاقستانعا جيٸرەك كەلگەن. 30 رەتتەن كٶپ كەلٸپتٸ.
سالىستىراتىن بولساق, بەلارۋس ەكٸنشٸ ورىندا – 27 رەت بارعان. ايتپاقشى, ٷشٸنشٸ ورىندا ۋكرايناعا بارعان – 21 رەت, ول جاقتا دا ونى سالتاناتتى تٷردە قارسى العان, بٸراق كەيٸن ول ەلگە سوعىس اشتى.
بۇل پۋتيننٸڭ بەلگٸلٸ بٸر ەلگە ساپارلارىنىڭ سانى سول ەلدٸڭ قاۋٸپسٸزدٸگٸنە كەپٸل بولمايتىنىن كٶرسەتەدٸ.
ەگەر 2022 جىلى ۋكراينادا بليتسكريگ ٸسكە اسقاندا, كەلەسٸ نىسانا قازاقستان بولۋى ەبدەن مٷمكٸن ەدٸ. قىزىعۋشىلىق تانىتقاندار, سۋركوۆانىڭ ەكسپورت حاوسى تۋرالى ماقالاسىن وقىپ شىعىڭىز, نەمەسە قر تاراپىنا ايتىلعان ارانداتۋشىلىق مەلٸمدەمە جاساعانداردى ەسكە الىڭىز. سوعىستا بەلشەسٸنەن باتقان كرەمل قازٸر شىعىسقا قاراي, قىتاي باعىتىنا بەت بۇردى جەنە ورتالىق ازييا ولارعا ەكونوميكالىق وداقتاس رەتٸندە كٶبٸرەك ماڭىزدى. ايماقتاعى تۇراقسىزدىق قىتاي مەن تۋركيياعا تيٸمسٸز. ولار مۇنى كٶرسەتتٸ.
ال, قازاقستان قازٸر جان جاقتان تٷرلٸ ٸلمەكتەرگە ٸلٸنٸپ قالعان شحۋنانى ەسكە سالادى: ەلەكتروەنەرگەتيكانى, مۇناي-گاز سالاسىن, ۋران ٶنەركەسٸبٸن, لوگيستيكانى تٸپتٸ قازاقستانىڭ تاريحىن دا تٷزەتكٸسٸ كەلەدٸ.
ال استاناداعى ۇقشۇ سامميتٸ بٸزدٸڭ ۇقشۇ-نا مٷشە رەتٸندە قاۋٸپسٸزدٸك سالاسىنداعى وسالدىعىمىزدى تاعى بٸر كٶرسەتٸپ بەردٸ. بۇل ۋكرايناداعى سوعىس بارعان سايىن كٶبٸرەك ەلدەردٸ تارتىپ قانا جاتقان جوق, سونداي-اق كرەمل ۇقشۇ جارعىسىنا سەيكەس كەلەتٸن سىرتقى اگرەسسييا رەتٸندە دە كٶرسەتە الاتىن ەسكالاتسييا دەرەجەسٸنە دە جەتتٸ.
سونداي كەزدە ٶزبەكستاننىڭ مارقۇم پرەزيدەنتٸ يسلام كاريموۆ ەسكە تٷسەدٸ. ونىڭ كەمشٸلٸگٸ كٶپ بولسا دا, 2012 جىلى ۇقشۇ ٶزبەكستاننىڭ ەگەمەندٸگٸ مەن ۇلتتىق مٷددەسٸنە قاۋٸپ تٶندٸرەدٸ دەپ ساناپ, ۇقشۇ مٷشەلٸگٸن توقتاتۋ تۋرالى دانا شەشٸم قابىلداعان.
ايتپاقشى, جاعداي شيەلەنٸسكەن كٷندە رەسەيدٸڭ مۇناي-گاز ينفراقۇرىلىمىنىڭ قازاقستانمەن تىعىز بايلانىستى بٶلٸگٸ زىمىراندىق شابۋىلدار ايماعىندا قالۋى مٷمكٸن, مىسالى, اتاپ ايتقاندا نوۆوروسسييسك تەڭٸز پورتى ارقىلى قازاقستاندىق مۇناي ەكسپورتقا شىعاتىن كقك نىساندارى ورنالاسقان", -دەيدٸ دوسىم سەتپاەۆ.
وقي وتىرىڭىز: پۋتين اقورداعا كەلٸپ نە ايتتى?
