Belgili qazaqstandyq saiasattanýshy Dosym Sátbaev reseilik depýtattyń Qazaqstan aýmaǵy týraly málimdemesine qatysty pikir bildirdi, - dep habarlaidy "Ult aqparat".
Bul týraly ol Instagram jelisindegi paraqshasynda jazdy.
Sátbaevtyń aitýynsha, reseilik depýtat Viacheslav Nikonovtyń Qazaqstan týraly málimdemesi arandatýshy málimdeme ǵana emes.
"(...) Biz ózimizdi qurmettemesek, onda olar bizdi qurmetteýdi toqtatady. Diplomatiia áleminde belgili bir másele boiynsha óz ustanymyn naqty kórsetýdiń kóptegen quraly bar.
Bizdiń syrtqy ister ministrligine Qazaqstanǵa, onyń aýmaqtyq tutastyǵyna, tarihyna, tiline jáne taǵy basqa faktorlaryna arandatýshylyq jáne qorlaý sipatyndaǵy shabýyldarǵa jol bergen barlyq adamnyń respýblikamyzǵa kelýine tyiym salýdy resmi engizýsiiaqty quraldardyń birin qoldanatyn kez keldi.
Arandatýshylardyń kóbi Qazaqstanǵa kelmeitini túsinikti. Jirinovskii men Nikonov siiaqty reseilik bilik ókilderi kiretin tizim qurý kerek. (...)", - dep jazdy ol.
Eske salaiyq, munyń aldynda SIM reseilik depýtattyń Qazaqstan aýmaǵy týraly málimdemesine jaýap bergen bolatyn.
Al keiin reseilik depýtat málimdemesine qatysty pikir bildirdi.
"Qazaq KSR shekarasyn bekitýde Qazaqstan múddesi tolyqtai eskerildi. Keiin Qazaq KSR Qazaqstan Respýblikasy boldy. Múmkindikti paidalana otyryp, baýyrlas Qazaqstan halqyna ystyq iltipatymdy bildirip, "Bolshaia igra" baǵdarlamasynda men dál osy nárseni aittym", - dep jazǵan edi reseilik depýtat Telegram-kanalynda.
