29 qazan kúni Dostyq úiinde Qaraǵandy oblysy ákimi apparatynyń «Qoǵamdyq kelisim» KMM qoldaýymen jáne «Idel» tatar jáne tatar-bashqurt qoǵamdyq jáne mádeni ortalyqtarynyń Assotsiatsiiasy» qoǵamdyq birlestiginiń Qaraǵandy oblysyndaǵy filialynyń bastamasymen «Chak-Chak Bairam» merekesi ótti.
Is-sharany Qaraǵandy oblysy ákimi apparatynyń «Qoǵamdyq kelisim» KMM qoǵamdyq is-sharalardy uiymdastyrý jáne QHA qurylymdarymen jumys isteý bóliminiń basshysy A.Tasmaǵanbetova quttyqtaý sózben ashyp, Elbasymyzdyń saiasatynyń arqasynda Qazaqstanda turatyn barlyq ulttar birlikte, beibitshilik pen kelisimde ómir súrip jatqanyn, búgingi is-shara jáne barlyq Qazaqstan halqy Assambleiasynyń is-sharalary Ult kóshbasshysynyń «Bolashaqqa baǵdar: rýhani jańǵyrý» baǵdarlamalyq maqalasy sheńberinde ótip jatqanyn aitty.
Sonymen qatar, «Idel» tatar jáne tatar-bashqurt qoǵamdyq jáne mádeni ortalyqtarynyń Assotsiatsiiasy» qoǵamdyq birlestigi Qaraǵandy oblysyndaǵy filialynyń tóraiymy, oblystyq Qazaqstan halqy Assambleiasynyń múshesi S.Satretdinova óz sózinde: «Bul mereke, qonaqjailylyq pen tatý kórshilik jáne halyqtyq dástúrlerin nyǵaitady,» - dedi.
Tatar,bashqurt halyqtarynyń ulttyq taǵamdary men aspazdyq buiymdary, is-sharaǵa jinalǵandardyń merekelik kóńil-kúii men ár túrli ult ókilderiniń rýhani birligi merekeniń shyraiyn engizip,erekshe rýhani áser syilady.
Merekeni uiymdastyrýshylardy«Dagestan» ulttyq-mádeni ortalyǵy» QB-niń «Haidak» ansambli, «Kazachia volnitsa» QB,«Dakiia» rýmyn mádeni qoǵamy»QB ókilderi quttyqtap,án-jyrdan shashý shashty.
«Idel» tatar jáne tatar-bashqurt qoǵamdyq jáne mádeni ortalyqtarynyń Assotsiatsiiasy» QB ónerpazdarynyń merekelik kontserttik baǵdarlamasy is-sharaǵa jinalǵan qaýymnyń kóńilinen shyqty.
Aita ketsek, «Chak-chak Bairam» meiramyn toilaý dástúrin 2008 jyly Kazan qalasynda ótken tatar jastarynyń III-dúniejúzilik forýmynyń qatysýshylary qolǵa alǵan bolatyn. Sol kúnnen beri tatar jastarynyń bastamasy kúlli álemdegi tatar disporasy tarapynan qoldaý taýyp, kúni búginge deiin toilanyp keledi. Aktsiianyń maqsaty mádenietaralyq qundylyqtardy nasihattaý bolyp tabylady. Bul meiram tatar jáne bashqurt halqynyń eń dámdi chak-chak asynyń qurmetine atalǵan.
.jpeg)