Foto: Aqorda
Qazaqstan Prezidenti Qasym-Jomart Toqaev Dostyq – Moiynty temirjolynyń ekinshi jelisiniń iske qosylýyna qatysty. Saltanatty rásim VII halyqaralyq «New Silk Way» kólik-logistika biznes-forýmy aiasynda ótti.
Foto: Aqorda
Joba strategiialyq mańyzǵa ie. Uzyndyǵy 836 shaqyrym bolatyn jańa magistral júk tasymaly kólemin bes ese arttyrýǵa, eksporttyq taýarlardy jetkizý merzimin qysqartýǵa jáne Qazaqstannyń Qytaimen tranzittik áleýetin aitarlyqtai nyǵaitýǵa múmkindik beredi.
Foto: Aqorda
Memleket basshysy atap ótkendei:
«Bul shynymen de tarihi sát. Úsh jylǵa jýyq ýaqyt boiy tynymsyz eńbek etken jumysshylarymyzdyń tabandy eńbeginiń arqasynda temirjoldy merziminen buryn iske qosý múmkin boldy. Jańa jol Qazaqstannyń ekonomikasyn jáne tranzittik áleýetin nyǵaitady».
Foto: Aqorda
Integra Construction KZ-dyń qatysýy
Bul aýqymdy jobanyń bas merdigeri Integra Construction KZ kompaniiasy boldy. Qozǵalystyń iske qosylýy telemost formatynda ótip, oǵan kompaniianyń benefitsiarlyq iesi Mutalip Shahmýrat pen Baqylaý keńesiniń tóraǵasy Kýdrat Shamiev qatysty.
«Osyndai tarihi jobaǵa atsalysqanymyzdy zor maqtanysh sanaimyz. Dostyq – Moiynty ekinshi jelisi – Qazaqstandy álemniń eń iri naryqtarymen bailanystyratyn mańyzdy arteriia. Bizdiń eńbegimizdi Memleket basshysynyń ózi atap ótkeni biz úshin asa mańyzdy. Jańa magistral el ekonomikasynyń draiverine ainalyp, Qazaqstannyń tranzittik áleýetin aldaǵy ondaǵan jyldarǵa nyǵaita túsetinine senimdimiz. Basshylyq atynan búkil komandaǵa kásibi biliktiligi men isine adaldyǵy úshin alǵys bildiremiz», - dep atap ótti Kýdrat Shamiev.
Foto: Aqorda
Dostyq – Moiynty ekinshi jelisiniń uzyndyǵy 836 shaqyrymdy quraidy. Qurylysy úsh jylǵa jýyq kúrdeli klimattyq jaǵdaida júrip, belgilengen merzimnen buryn aiaqtaldy. Jobany iske asyrýǵa myńdaǵan qazaqstandyq maman qatysty. Qurylysqa paidalanylǵan materialdar men tehnikanyń 80%-dan astamy otandyq óndiristen boldy.
Aita keteiik, Integra Construction KZ – Qazaqstandaǵy iri qurylys kompaniialarynyń biri, el ekonomikasyn damytýǵa yqpal etetin aýqymdy infraqurylymdyq jáne óndiristik jobalardy júzege asyrýmen ainalysady.
