«Aqmola oblysynyń orys qaýymy» qoǵamdyq birlestiginiń uiymdastyrýymen jáne Aqmoladaǵy Qazaqstan halqy assambleiasy filialynyń túrtki bolýymen Kókshetaý qalasynda úshinshi orys jáne kazak ánderiniń qaiyrymdylyq festivali ótti.
Qazaqstan halqy Aqmola assambleiasy Hatshylyǵynyń meńgerýshisi Rinat Galliamov óziniń quttyqtaý tileginde atalmysh festival qudiretti án óneriniń arqasynda ulttar arasyndaǵy yntymaqtastyq pen tatýlyqty nyǵaityp, rýhani birlikti áspettep, qashanda dostyq pen kelisim týyn túsirmeitinine senimin bildirdi.
Resei seriktestigi ókildiliginiń Qazaqstan Respýblikasyndaǵy basshysy Viktor Nefedov festival qatysýshylary men qonaqtaryna quttyqtaýyn joldasa, Aqmola oblysynyń orys qaýymynyń tóraǵasy, is-sharany uiymdastyrýshylardyń biri Aleksandr Artemenko – bul festivalden túsetin qarjynyń bári Kókshetaý qalasyndaǵy kafedraldy sobordyń qurylysyna jumsalatynyn aitty. Kókshetaý shaharyndaǵy Arhangel Mihail shirkeýiniń dini qyzmetkeri Konstantin ákei musylmandardyń meshiti men salynyp jatqan shirkeýdiń bir kóshede jáne óte jaqyn ornalasýy elimizdegi myzǵymas birlik pen dinaralyq kelisimniń ǵajaiyp úlgisi ekenin basa aitty.
Men Qazaqstandy darhan dalasy úshin súiem,
Biik taýlary jáne shýly ózenderi úshin.Kógimde qalyqtaǵan qyran qus úshin,Beibit kúni men ashyq aspany úshin súiem.Adamdardyń dostyǵy men birligi úshin,Olardyń adaldyǵy men parasattylyǵy úshin súiem.Janǵa - rýh, kóńilge - shýaq syilaityn bul sózder festivaldiń uranyna ainalǵan.
Alǵash bop kieli sahna tórine Aqmola oblysy orys qaýymynyń janyndaǵy vokaldy stýdiianyń ánshisi Anastasiia Ýshakova «Tek alǵa» ánimen shyqty. Al, óńir halqy arasynda tanymal, jyldan jylǵa orys jáne kazak ánderiniń murasyna degen ózderiniń adaldyqtaryn kórsetip kele jatqan «Rýsskaia pesnia» halyqtyq ansambli keshtiń shyraiyn keltirdi. Zoia Avilova basshylyq etetin ansambl bul joly da kórermen qaýymnyń ystyq yqylasyna shomyldy. Jeke án oryndaǵan Tatiana Ilchenko jáne Nina Ivanovalar da qoshemet-qurmetsiz qalǵan joq.
Petropavl qalasynan kelgen «Zvonnitsa - Nasledie» kazak vokaldy- horeografiialyq ansambliniń is-shara barysyndaǵy kúlli óner kórsetken ánshi jáne ujymdardyń ónerlerine sán kirgizdi. Bul ansambldiń basqalardan ereksheligi, atalmysh óner ujymy án de aitady jáne bi de bileidi.
Ózderiniń erekshe daýys yrǵaqtary jáne án oryndaý mánerlerimen zalǵa jinalǵandardyń kóńilinen shyqqan Qorǵaljyn aýdanynyń kazak ánderiniń ansambli «Kazachia sloboda» jáne «Rýsskaia pesnia» ansamblderi, Petropavl qalasynan kelgen jeke oryndaýshy Anton Gýtorov jáne Astana qalasynyń ónerpazy Olga Eskova-Bass boldy. Kórermenderge mol qýanysh syilaǵan ónerpazdardyń qatarynda «Rýsskaia pesnia» halyqtyq ansambliniń «Molodýshki» vokaldy toby boldy. Halyqtyq ánder urpaqtan-urpaqqa jalǵasyp, óz tyńdaýshysy men oryndaýshysy arqyly baǵa jetpes rýhani bailyqty arqalap keledi. Sondyqtan bolar Astana qalasynyń «Bogatitsa» jáne Qostanai qalasynan arnaiy kelgen «Kazachia volia» ansamblderiniń ánderi de tyńdaýshylardyń júrekterine jyly tidi. Árine adam janyna jetkize bilýdiń syry ándi sheber oryndaýda jatqandyǵy anyq. Barlyq qatysýshylar óz belsendilikteri úshin Aqmola oblysy orys qaýymynyń tóraǵasy Aleksandr Artemenkonyń qolynan alǵys hattar men estelik syilyqtar aldy.
Halyqtyq ánder adamdardy jaqyndastyrady. Bul keshke jinalǵan qaýym da kúndelikti qala ómiriniń kúibeleńin bir umytyp, aldaǵy ýaqytqa kóńilderine demeý, oi-sanalary men júrekterine sergektik syilaǵan ánderdi rahatttana tyńdady. Al ónerpazdarǵa tyńdaýshy qulyqtyń kórsetken eń úlken syiy ol, sarqylmas alǵys pen ystyq qoshemeti bolǵany daýsyz.
