Atyraý qalasy men aýdandarda epidemiologiialyq jaǵdai turaqty. Bul týraly búgin Úkimet otyrysynda Atyraý oblysynyń ákimi Mahambet Dosmuhambetov aitty, dep habarlaidy "Ult aqparat".
«Jalpy, Atyraý qalasy men aýdandarda epidemiologiialyq jaǵdai turaqty. Oblys boiynsha sońǵy aptada koronavirýs infektsiiasynyń 564 jaǵdaiy tirkeldi. Onyń ishinde 379 jaǵdai nemese 67 paiyzy Teńiz ken ornyndaǵy vahtalyq qalashyqtarda anyqtaldy. Oblysta anyqtalǵan jaǵdailardyń 81 paiyzy, sonymen qatar Teńiz ken ornynda anyqtalǵan jaǵdailardyń 89 piyzy simptomsyz sanalady. Reprodýktivtik indeksi 1,01 paiyzdy quraidy. Oblystyń bas sanitar dárigeriniń qaýlysymen Teńiz ken ornyndaǵy karantin uzartyldy jáne shekteý sharalary kúsheitildi», - dedi óńir basshysy.
Onyń aitýynsha, oblysta 1933 infektsiialyq tósek-oryn ázirlengen. Statsionarlarda 864 naýqas em alyp jatyr. Tósek-oryn júktemesi 45 paiyzdy quraidy. 13 naýqas reanimatsiiada.
«Oblysta 4 MRT apparaty, 12 kompiýterlik tomografiia apparaty, 27 rentgen apparaty, 669 ottegi kontsentraty, 1 514 pýlsmetr, 267 ókpeni jasandy jeldetý apparaty, 6 ottegi stansasy, 113 jedel meditsinalyq járdem kóligi, 7 jyljylmaly meditsinalyq keshen bar. KVI pnevmaniiasy jáne JRVI-men syrqattanǵan oblys turǵyndaryna ambýlatorlyq deńgeidegi kómekti meditsinalyq-sanitarlyq alǵashqy kómek uiymdarynyń janynan qurylǵan 126 mlbildi top kórsetip otyr. Barlyq meditsinalyq uiymdarda jeke qorǵanysh quraldarynyń 2 ailyq qory bar. Oblysta táýligine 7 myńǵa jýyq zertteý múmkindigi bar 11 PTR zerthanasy jumys istep tur. Indet bastalǵannan beri oblysta 575 myń zertteý júrgizildi. Sońǵy aptada ortasha táýliktik kórsetkish 3 975 testini quraidy. 2021 jyldyń qańtar aiynda júrgizilgen PTR zertteýlerdiń sany ótken jyldyń jeltoqsanymen salystyrǵanda 23 paiyzǵa artyp otyr», - dedi Mahambet Dosmuhambetov.
Onyń aitýynsha, óńir aýmaǵynda 10 653 reid júrgizilip, 33 422 nysan tekserildi. 623 material boiynsha 95 mln-ǵa jýyq aiyppul salyndy.
